Legenda

Wócynja dialog Legenda, kótaryž wam zmóžnja, poziciju legendow w diagramje změniś a pódaś, lěc se legenda pokazujo.

Pśistup k toś tomu pśikazoju …

Z menijoweje rědki:

Wubjeŕśo Zasajźiś – Legenda… (diagram musy zasajźony byś)

Wubjeŕśo Format – Legenda… – Pozicija (diagram musy zasajźony byś)

Ze symbolowych rědkow:

Legendu zasajźiś

Pokazaś

Pódawa, lěc se ma legenda za diagram pokazaś. Toś to nastajenje jo jano widobne, jolic Zasajźiś – Legenda… wužywaśo, aby dialog wuwołał.

Pozicija

Wubjeŕśo poziciju za legendu:

Nalěwo

Pozicioněrujo legendu nalěwo pódla diagrama.

Górjejce

Pozicioněrujo legendu nad diagramom.

Napšawo

Pozicioněrujo legendu napšawo pódla diagrama.

Dołojce

Pozicioněrujo legendu pód diagramom.

Tekstowe wusměrjenje

Toś ta funkcija jo jano k dispoziciji, jolic jo pódpěra za kompleksne tekstowe wugótowanje w – Rěcy a narodne šemy – Powšykne zmóžnjona.

Tekstowy směr

Pódajśo tekstowy směr za wótstawk, kótaryž kompleksne tekstowe wugótowanje (CTL) wužywa. Funkcija jo jano k dispoziciji, jolic pódpěra za kompleksne tekstowe wugótowanje jo zmóžnjona.

Pózakšyśe

Pódawa, lěc se ma legenda diagram pózakšyś. Jo wužytnje, toś to nastajenje znjemóžniś, jolic cośo legendu nad proznym źělom diagramowego wobceŕka město pódla njogo pokazaś. Na toś ten nałog móžo kreslański wobceŕk ceły diagram wupołniś a tak cytajobnosć pólěpšyś.