Funkcije LibreOffice Calc

LibreOffice jo tabelowa kalkulacija, kótaruž móžośo wužywaś, aby swóje daty woblicył, analyzěrował a zastojał. Móžośo teke tabelowe dokumenty Microsoft Excel importěrowaś a změniś.

Woblicenja

LibreOffice Calc wam funkcije bitujo, mjazy nimi statistiske a bankowe funkcije, kótarež móžośo wužywaś, aby formule napórał, z kótarymiž móžośo kompleksne woblicenja ze swójimi datami pśewjasć.

Móžośo tekw funkciski asistent wužywaś, kótaryž wam pomaga, waše formule napóraś.

Woblicenja Co by było, gaby

Zajmna funkcija jo, až móžośo se wuslědki změnow ned woglědaś, kótarež sćo pśewjadł na jadnom faktorje woblicenjow, kótarež se z někotarych faktorow zestajaju. Móžośo na pśikład wiźeś, kak změnjanje casa w kreditowem woblicenju dańske sajźby abo wótpłaśowańske sumy wobwliwujo. Mimo togo móžośo z pomocu rozdźělnych pśeddefiněrowanych scenarijow wětše tabele zastojaś.

Funkcije datoweje banki

Wužywajśo tabelowe dokumenty, aby swóje daty rědował, składował a filtrował.

LibreOffice Calc wam zmóžnja, tabele z datowych bankow śěgnuś a pušćiś, abo wam zmóžnja, tabelowy dokument ako datowe žrědło wužywaś, aby mógał serijowe listy w LibreOffice Writer napóraś.

Daty rozrědowaś

Z mało kliknjenjami myški móžośo swój tabelowy dokument pśestrukturěrowaś, aby wěste datowe wobceŕki pokazał abo schował, abo aby wobceŕki pó wósebnych wuměnjenjach formatěrował, aby wy mógał malsnje mjazyrezultaty a cełkowne wuslědki woblicyś.

Dynamiske diagramy

LibreOffice Calc wam zmóžnja, daty tabelowych dokumentow w dynamiskich diagramach zwobrazniś, kótarež sw awtomatiski aktualizěruju, gaž sw daty změnjaju.

Dataje Microsoft wócyniś a składowaś

Wužywajśo filtry LibreOffice, aby dataje Excel pśetwórił, abo aby wjele drugich formatow wócynił a składował.