Lětne licby 19xx/20xx

Lěto w datumowych pódaśach se cesto ako dwójoměstnowa licba pódawa. Internje LibreOffice z lětom ako ze styriměstnoweju licbu wobchada, tak až woblicenje diference wót 1.1.99 do 1.1.01 korektnje dwě lěśe dawa.

• Pód – LibreOffice – Powšykne móžośo stolěśe definěrowaś, kótaryž se ma wužywaś, gaž lěto z jano dwěma městnoma zapódawaśo. Standard jo 1930 do 2029.

To groni, až, gaž datum „1.1.30“ abo wušy zapódawaśo, se z nim internje ako z 1930-01-01 abo wušym wobchada. Wšykne niše dwójoměstnowe lěta za 20. stolěśe (20xx) płaśe. Togodla se na pśikład „1.1.20“ do 2020-01-01 pśetwórijo.