Płaśiwosć celowego wopśimjeśa
Za kuždu celu móžośo płaśiwe zapiski definěrowaś. Njepłaśiwe zapiski do cele se wótpokažu.
Pšawidło płaśiwosći se aktiwěrujo, gaž se nowa gódnota zapódawa. Jolic jo se južo njepłaśiwa gódnota do cele zasajźiła, abo jolic gódnotu do cele zasajźujośo, pak pśez śěgnjenje a pušćenje pak pśez kopěrowanje a zasajźowanje, se pšawidło płaśiwosći njewustatkujo.
Móžośo kuždy cas Rědy – Detektiw wubraś a pśikaz Njepłaśiwe daty wóznamjeniś, aby pokazał, kótare cele njepłaśiwe gódnoty wopśimuju.
Aby płaśiwosć celowego wopśimjeśa wužywał:
-
Wubjeŕśo cele, za kótarež cośo nowe pšawidło płaśiwosći definěrowaś.
-
Wubjeŕśo .
-
Zapódajśo na rejtariki Kriterije wuměnjenja za nowe gódnoty, kótarež se do cele zapódawaju.
-
Wubjeŕśo nastajenje w pólu Dowóliś:.
-
Jolic „Cełe licby“ wuběraśo, gódnoty ako „12,5“ njejsu dowólone. Gaž „Datum“ wuběraśo, su datumowe informacije ako w lokalnem datumowem formaśe tak teke w formje serielnego datuma dowólone. Rowno tak wuměnjenje „Cas“ gódnoty ako „12:00“ abo serielne casowe licby dowólujo. „Tekstowa dłujkosć“ se pomina, až cele směju janož tekst wopśimowaś.
Wubjeŕśo „Lisćina“, aby lisćinu płaśiwych zapiskow zapódał.
-
Wubjeŕśo pśiduce wuměnjenje pód Daty. Wótwisujucy wót wašogo wuběrka, budu pśidatne nastajenja k dispoziciji.
Za tym až sćo póstajił wuměnjenja za celowu płaśiwosć, móžośo drugej wobej rejtarika wužywaś, aby zapódawańske póla napórał:
-
Zapódajśo w rejtariku Zapódawańska pomoc titel a tekst pokaza, kótaryž se pótom pokazujo, jolic cela jo wubrana.
-
Wubjeŕśo w rejtariku Zmólkowa powěźeńka akciju, kótaraž se ma w paźe zmólki wuwjasć.
Jolic „Zastajiś“ ako akciju wuběraśo, se njepłaśiwe zapiski njeakceptěruju a celowe wopśimjeśe do togo se wobchowajo.
Wubjeŕśo „Warnowanje“ abo „Informacija“, aby dialog pokazał, w kótaremž se dajo zapisk pak pśetergnuś pak akceptěrowaś.
Jolic „Makro“ wuběraśo, móžośo tłocašk Pśepytaś wužywaś, aby makro pódał, kótarež se ma w paźe zmólki wuwjasć.
Aby zmólkowu powěźeńku, wubjeŕśo Zmólkowu powěźeńku pokazaś, gaž se njepłaśiwe gódnoty zapódawaju.
Gaž akciju za celu w rejtariku Powěźeńka zmólki změnjaśo a dialog z W pórěźe zacynjaśo, musyśo nejpjerwjej drugu celu wubraś, nježli až se změna wustatkujo.