Swójske funkcije

Móžośo swójske funkcije w LibreOffice Calc na slědujuce wašnje wužywaś:

• Móžośo swójske funkcije z pomocu Basic-IDE definěrowaś. Toś ta metoda se zakładne znajobnosći programěrowanja pomina.

• Móžośo funkcije ako dodanki programěrowaś. Toś ta metoda se pókšacane znajobnosći programěrowanja pomina.

Funkciju z LibreOffice Basic definěrowaś

1. Wubjeŕśo Rědy – Makra – Makra wobźěłaś….

2. Wiźiśo něnto Basic IDE.

3. Klikniśo we woknje Objektowy katalog dwójcy na modul, źož cośo swóje makro składowaś.

4. Zapódajśo funkciski kod. W toś tom pśikłaźe definěrujomy funkciju WOL(a; b; c), kótaraž wolumen pšawokutnego śělesa z bocnymi dłujkosćami a, b a c wulicujo:

    Function VOL(a, b, c)
        VOL = a*b*c
    End Function

• Zacyńśo wokno Basic IDE.

  Waša funkcija se awtomatiski we wubranem modulu składujo a jo něnto k dispoziciji. Jolic funkciju w dokumenśe Calc nałožujośo, kótaryž se na drugem licadle wužywa, móžośo funkciju do dokumenta Calc kopěrowaś, ako se w pśiducem wótrězku wopisujo.

Funkciju do dokumenta kopěrowaś

W kšacu 2 „Funkciju z LibreOffice Basic definěrowaś“ sćo kliknuł w dialogu Makro na Wobźěłaś…. W pólu Makro z jo pó standarźe modul Móje makra – Standard – Module1 wubrany. Biblioteka Standard jo we wašom lokalnem wužywaŕskem zapisu.

Jolic cośo swójsku funkciju do dokumenta Calc kopěrowaś:

1. Wubjeŕśo Rědy – Makra – Makra zastojaś – Basic….

2. Wubjeŕśo w pólu Makro z Móje makra – Standard – Module1 a klikniśo na Wobźěłaś.

3. Wubjeŕśo w Basic IDE žrědło swójskeje funkcije a kopěrujśo ju do mjazywótkłada.

4. Zacyńśo Basic IDE.

5. Wubjeŕśo Rědy – Makra – Makra zastojaś – Basic….

6. Wubjeŕśo w pólu Makro z (mě dokumenta Calc) – Standard – Module1. Klikniśo na Wobźěłaś.

7. Zasajźćo wopśimjeśe mjazywótkłada do Basic IDE dokumenta.

Swójsku funkciju w LibreOffice Calc wužywaś

Gaž sćo definěrował funkciju WOL(a; b; c) w Basic IDE, móžośo ju na samski nałog ako zatwarjone funkcije LibreOffice Calc nałožyś.

1. Wócyńśo dokument Calc a zapódajśo licby za funkciske parametry a, b a c do celow A1, B1 a C1.

2. Stajśo kursor do drugeje cele a zapódajśo to:

   =VOL(A1;B1;C1)

3. Funkcija se wugódnośujo a wiźiśo wuslědk we wubranej celi.