Licby ako tekst formatěrowaś

W LibreOffice Calc móžośo licby ako tekst formatěrowaś. Wócyńśo kontekstowy meni cele abo celowego wobceŕka a wubjeŕśo Cele formatěrowaś… – rejtarik: Licby a pón „Tekst“ z lisćiny Kategorija. Licby, kótarež se pó tom do formatěrowanego wobceŕka zapódawaju, se ako tekst interpretěruju. Toś te „licby“ se na lěwu kšomu wusměrjone pokazuju, rowno tak ako drugi tekst.

Jolic sćo južo zapódał normalne licby do celow a pózdźej změnił format celow do „Tekst“, licby normalne licby wóstanu. Njepśetwórjuju se. Jano pó tom zapódane licby abo licby, kótarež se pón wobźěłuju, budu tekstowe licby.

Jolic se rozsuźujośo, licbu direktnje ako tekst zapódaś, zapódajśo apostrof (') ako prědne znamuško. Za lětne licby w słupowych głowach na pśikład móžośo '1999, '2000 a '2001 zapódaś. Apostrof w celi njejo widobny, pódawa jano, až zapisk jo tekst. To jo na pśikład wužytne, jolic telefonowy numer abo postowu licbu zapódawaśo, kótarejž se z nulu (0) zachopinatej, dokulž se nula (0) na zachopjeńku licbowego slěda w normalnych licbowych formatach wótwónoźujo.