Tabele pśemjeniś
Póstajenje tabelowych mjenjow jo wažna funkcija za napóranje cytajobnych a rozymliwych tabelowych dokumentow.
Mě tabele jo njewótwisne wót mjenja tabelowego dokumenta. Zapódawaśo mě tabelowego dokumenta, gaž jen prědny raz ako dataju składujośo.
Aby tabelu w swójom dokumenśe pśemjenjował:
-
Klikniśo dwójcy na tabelowy rejtarik abo wócyńśo jogo kontekstowy meni a wubjeŕśo . Dialogowe pólo se zjawijo, źož móžośo nowe mě zapódaś.
-
Zapódajśo nowe mě za tabelu a klikniśo na W pórěźe.
-
Móžośo teke tastu ⌥ optionAlt tłoconu źaržaś, na někake tabelowe mě kliknuś a nowe mě direktnje zapódaś.
Dokument móžo až do 10.000 jadnotliwych tabelow wopśimowaś, kótarež muse rozdźělne mjenja měś.
Wobgranicowanja za pomjenjowanje tabelow
Tabelowe mjenja mógu skóro kužde znamuško wopśimowaś. Płaśe někotare wobgranicowanja za pomjenjowanje, slědujuce znamuška njejsu dowólone w tabelowych mjenjach:
-
dwójodypk :
-
Slědksmužka \
-
nakósna smužka /
-
pšašak ?
-
gwězdka *
-
lěwa rožkata spinka [
-
pšawa rožkata spinka ]
-
jadnora pazorka ' ako prědne abo slědne znamuško mjenja
Jadnora pazorka jo znamuško Unicode U+0027, teke znate ako apostrof. Druge jadnore pazorki, kótarež su na apostrof pódobne, na pśikład ʼ ‛ a ‚.
Standardny prefiks za tabelowe mjenja wužywaś
Móžośo prefiks za mjenja nowych tabelow póstajiś, kótarež napórajośo. Wubjeŕśo a zapódajśo prefiksowe mě w Prefiksowe mě za nowe źěłowe łopjeno.
Tabelowe mjenja z wósebnymi znamuškami referencěrowaś
W celowych póśěgach muse se tabelowe mě wót jadnorych pazorkow ' wobdaś, gaž mě druge znamuška ako alfanumeriske znamuška abo pódsmužku wopśimujo. Jadne jadnore pazorki w mjenju muse se pódwójś (dwóje jadnore pazorki).
Na pśikład cośo celu A1 w tabeli z mjenim Verdi'owe opery.
Póśěg musy wót jadnorych pazorkow wobdany byś a jadne jadnore pazorki w mjenju muse se pódwójś: 'Verdi''owe opery'.A1