Póśěgowa syntaksa R1C1 za formule Calc
Calc ako R1C1 tak teke dalej rozšyrjonu notaciju A1 za celowe póśěgi pódpěra.
Notacija R1C1 se w nastajenjach LibreOffice Calc zmóžnja.
Notacija R1C1
W notaciji A1 se słupy z pismikami a smužki z licbami pópisuju, mjaztym až notacija R1C1 licby ako za słupy tak teke smužki wužywa.
W notaciji R1C1 LibreOffice Calc głowy słupy ako licby pokazujo.
Togodla cela A1 R1C1 wótpowědujo, což smužka 1 a słup 1 wóznamjenijo a cela A2 R2C1 wótpowědujo, to groni smužka 2 słup 1.
Napšawdny rozdźěl pśiźo, gaž se formule pišu a se póśěg k drugim celam wužywa.
W notaciji R1C1 celowe póśěgi na swójej poziciji relatiwnje k aktiwnej celi bazěruju.
Jolic na pśikład celu B5 z cele A1 referencěrujośo, notacija R1C1 to ako R[4]C[1] pokazujo, pódawa styri smužki a jaden słup napšawo pódla aktiwneje cele.
Jolic pak aktiwna cela jo C3, se samska cela (B5) ako [2]C[-1] referencěrujo, to groni, dwě smužce dołoj a jaden słup dolěwa.
Wužywanje rožkatych spinkow w notaciji R1C1
Rožkate spinki relatiwne wótchylenje wót aktiwneje cele pódawaju.
Pozitiwne licby w rožkatych spinkach wótchylenje dopšawa za słupy a dołoj za smužki reprezentěruju.
Negatiwne licby w rožkatych spinkach wótchylenje dolěwa za słupy a górjej za smužki reprezentěruju.
Jolic njedajo wótchylenje za smužku abo słup (to groni wótchylenje jo nul), se nula w notaciji R1C1 wuwóstaja. Póśěg k celi w samskej smužce na pśikład, ale dwa słupa dolěwa, se ako RC[-2] pišo.
Absolutne a relatiwne póśěgi w notaciji R1C1
Relatiwne a absolutne póśěgi se w notaciji R1C1 wobchowaju. Slědujuca tabela ekwiwalencu zespomina. Aktualna cela jo R2C3 (C3)
|
Notacija A1 |
Notacija R1C1 |
Póśěgowy typ |
|---|---|---|
|
A1 |
R[-2]C[-2] |
Relatiwny póśěg |
|
$A1 |
R[-2]C1 |
Relatiwna smužka a absolutny słup |
|
A$1 |
R1C[-2] |
Absolutna smužka a relatiwny słup |
|
$A$1 |
R1C1 |
Absolutny póśěg |
Wobceŕkowe wuraze w notaciji R1C1
Kaž w notaciji A1 wobceŕkowe operatory na samski nałog funkcioněruju. Formula w celi R1C1 na pśikład, kótaraž smužki 1 do 10 w słupje 3 suměrujo, se ako =SUM(RC[2]:R[9]C[2]) pišo.
Aby sumu wšych gódnotow w słupach 4 do 7 wulicył, pišćo =SUM(C[3]:C[6]) w R2C1.
