Smužki abo słupy na kuždem boku śišćaś

Jolic tabelu maśo, kótaraž jo tak dłujka, aby se na někotarych bokach śišćała, móžośo za smužki abo słupy tak nastajiś, až se na kuždem wuśišćanem boku wóspjetuju.

Jolic na pśikład cośo ako wobej wušej smužce tabele tak teke prědny słup (A) na wšych bokach śišćaś, cyńśo to:

1. Wubjeŕśo Format – Śišćaŕske wobceŕki – Wobźěłaś…. Dialog Śišćaŕske wobceŕki wobźěłaś se zjawijo.

2. Klikniśo na symbol cele napšawo we wobceŕku Wóspjetowańske smužki.

   Dialog se pómjeńšujo, aby wy wěcej tabele wiźeł.

3. Wubjeŕśo prědnej dwě smužce a klikniśo na pśikład na celu A1 a śěgniśo do A2.

   W pómjeńšonem dialogu wiźiśo $1:$2. Smužce 1 a 2 stej něnto wóspjetowańskej smužce.

4. Klikniśo na symbol cele napšawo we wobceŕku Wóspjetowańske smužki. Dialog se zasej pówětšujo.

5. Jolic cośo, až se teke słup A wóspjetujo, klikniśo na symbol cele napšawo we wobceŕku Wóspjetowańske słupy.

6. Klikniśo na słup A (nic na słupowu głowu).

7. Klikniśo hyšći raz na symbol cele napšawo we wobceŕku Wóspjetowańske słupy.