Licbu bokow za śišć nastajiś

Jolic tabela jo pśewjelika za jadnotliwy wuśišćany bok, buźo LibreOffice Calc aktualnu tabelu jadnak pó někotarych bokach rozdźělowaś. Dokulaž awtomatiske łamanje boka se nic pśecej na optimalnej poziciji stawa, móžośo rozdźělenje pó bokach sam definěrowaś.

1. Pśejźćo k tabeli, kótaraž se ma śišćaś.

2. Wubjeŕśo Naglěd – Łamanje boka.

3. Wiźiśo awtomatiske rozdźělenje tabele pó śišćaŕskich bokach. Awtomatiski napórane śišćaŕske wobceŕki se pśez śamne módre linije wóznamjeniju, a swójske pśez swětłe módre linije. Łamanja boka (łamanja smužki a łamanja słupa) se ako carne linije markěruju.

4. Móžośo módre linije z myšku pśesunuś. Namakajośo dalšne nastajenja w kontekstowem meniju, mjazy nimi nastajenje za pśidawanje pśidatnego śišćaŕskego wobceŕka, za wótwńoźowanje skalěrowanja a zasajźowanje pśidatnych smužkowych a słupowych łamanjow.