Komentary zasajźiś a wobźěłaś

Wubjeŕśo Zasajźiś – Komentar, aby kuždej celi komentar pśipokazał. Komentar se pśez mały cerwjeny kwadrat, komentarowy indikator, w celi wóznamjenijo.

• Komentar jo widobny, gažkuli pokazowak myški jo nad celu.

• Gaž celu wuběraśo, móžośo Komentar pokazaś z kontekstowego menija cele wubraś. Pśez to komentar widobny wóstawa, daniž pśikaz Komentar pokazaś ze samskego kontekstowego menija njeznjemóžnjaśo.

• Aby stawnje widobny komentar wobźěłał, klikniśo jadnorje na njen. Jolic ceły tekst komentara lašujośo, se komentar sam wulašujo.

• Pśesuńśo kuždy komentar abo změńśo jogo wjelikosć pó swójom dobrozdaśu.

• Póstajśo slězynowu barwu, transparencu, ramikowy stil a tekstowe wusměrjenje, aby kuždy komentar formatěrował. Wubjeŕśo pśikaze z kontekstowego menija komentara.

• Aby komentarowy indikator pokazał abo schował, wubjeŕśo – LibreOffice Calc – Naglěd a zmóžniśo abo znjemóžniśo kontrolny kašćik Komentarowy indikator.

Aby za wubranu celu tip pokazał, wužywajśo Daty – Płaśiwosć… – rejtarik: Zapódawańska pomoc.