Pó rejtarikach tabele nawigěrowaś
Pó standarźe LibreOffice jadnu tabelu, „Tabela1“, w kuždem nowem tabelowem dokumenśe pokazujo. Móžośo z pomocu tłocaška + dołojce na wobrazowce pśidaś a z tabelowymi rejtarikami mjazy tabelami w tabelowem dokumenśe nawigěrowaś.
Jolic tabelowe rejtariki njejsu widobne, wubjeŕśo , aby je dołojce na wobrazowce pokazał.
Nawigaciske tłocaški se zmóžniju, gaž licba tabelow w dokumenśe jo wětša ako licba tabelow, kótarež se w tabelowej nawigaciskej rědce pokazuju.
Wužywajśo nawigaciske tłocaški, aby wšykne tabele pokazał, kótarež k wašomu dokumentoju słušaju. Gaž na tłocašk nalěwo wenka abo napšawo wenka klikaśo, se prědny abo slědny tabelowy rejtarik pokazujo. Srjejźne tłocaški wužywarjeju zmóžnjaju, doprědka abo slědk pó tabelowych rejtarikach hyś. Aby tabelu samu pokazał, klikniśo na tabelowy rejtarik.
Lěwe kliknjenje: Pśidawa nowu proznu tabelu napšawo pódla aktualneje tabele.
Pšawe kliknjenje: Wócynja pódmeni ze wšymi tabelami, kótarež njejsu markěrowane ako schowane. Klikniśo na tabelowe mě, aby k njej pśejšeł. Schowane tabele se w pódmeniju njepokazuju.