Matriksowe formule zapódaś

Slědujucy pśikład pokazujo, kak móžośo matriksowu formulu zapódaś, bźez togo aby my z drobnostkami matriksowych funkcijow zaběrali.

Wuchadamy z togo, až sćo zapódał 10 licbow do słupow A a B (A1:A10 a B1:B10) a cośo sumu kuždeje smužki w słupje C wulicyś.

1. Wubjeŕśo z myšku wobceŕk C1:C10, w kótarychž se maju wuslědki pokazaś.

2. Tłocćo F2 abo klikniśo do zapódawańskeje smužki formuloweje rědki.

3. Zapódajśo znamuško rownosći (=).

4. Wubjeŕśo wobceŕk A1:A10, kótaryž prědne gódnoty za sumowu formulu wopśimujo.

5. Tłocćo tastu plus (+) na numeriskej tastaturje.

6. Wubjeŕśo licby w drugem słupje w celach B1:B10.

7. Skóńcćo zapódaśe z matriksoweju tastoweju kombinaciju: +Umsch+Enter (⇧+↩).

Matriksowy wobceŕk se awtomatiski pśeśiwo změnam šćita, na pśikład pśeśiwo lašowanjeju smužkow abo słupow. Jo pak móžno, formatěrowanje wobźěłaś, na pśikład celowu slězynu.