Licbu z wjeducymi nulami zapódaś

Dajo rozdźělne metody, z kótarymiž móžośo cełe licby zapódaś, kótarež se z nulu zachopinaju:

• Zapódajśo licbu ako tekst. Nejlažčejša móžnosć jo zapódawanje licby, kótaraž se z apostrofom zachopina (na pśikład '0987). Apostrof se w celi njezjawijo, a licba se ako tekst formatěrujo. Dokulaž jo w tekstowem formaśe, njamóžośo z toś teju licbu licyś.

• Formatěrujśo celu z licbowym formatom ako \0000. Toś ten format dajo se w pólu Formatowy kod w rejtariku Format – Cele… – Licby pśipokazaś a definěrujo celowe zwobraznjenje ako „pśecej nejpjerwjej nulu stajiś a pón cełu licbu, kótaraž ma nanejmjenjej tśi městna a jo wótlěwa z nulami wupołnjona, jolic su mjenjej ako tśi městna“.

Jolic cośo numeriski format na słupy z licbami w tekstowem formaśe (na pśikład „000123“do „123“) pśetwóriś, cyńśo to:

1. Wubjeŕśo słup, w kótaremž su licby w tekstowem formaśe. Stajśo celowy format w tom słupje na „Licba“.

2. Wubjeŕśo Wobźěłaś – Pytaś a wuměniś…

3. Zapódajśo ^[0-9] do póla Pytaś

4. Zapódajśo w pólu Wuměniś &

5. Markěrujśo Regularne wuraze

6. Markěrujśo Jano aktualny wuběrk

7. Klikniśo na Wšykne wuměniś