Z formulami licyś
Wšykne formule se ze znamuškom rownosći zachopinaju. Formule mógu licby, tekst, aritmetiske operatory, logiske operatory abo funkcije wopśimowaś.
Zabydniśo na to, až zakładne aritmetiske operatory (+, -, *, /) daju se w formulach z pšawidłom „Dypkowe licenje pśed smužkowym licenim“ wužywaś. Město =SUMA(A1:B1) móžośo =A1+B1 pisaś.
Móžośo teke kulowate spinki wužywaś. Z formule =(1+2)*3 drugi wuslědk ako z =1+2+3 wudajo.
How su někotare pśikłady formulow LibreOffice Calc:
|
=A1+10 |
Pokazujo wopśimjeśe cele A1 plus 10. |
|
=A1*16% |
Pokazujo 16 % wopśimjeśa cele A1. |
|
=A1 * A2 |
Pokazujo wuslědk multiplikacije celow A1 a A2. |
|
=WÓTROWNAŚ(A1;1) |
Pokazujo wopśimjeśe cele A1, na jadno decimalne městno wótrownane. |
|
=EFEKTIWNY(5%;12) |
Wulicujo efektiwnu dań za lětnu nominalnu dań 5 % z 12 płaśenjami na lěto. |
|
=B8-SUMA(B10:B14) |
Wulicujo B8 minus suma celow B10 do B14. |
|
=SUMA(B8;SUMA(B10:B14)) |
Wulicujo sumu celow B10 do B14 a aděrujo celi B8 wuslědk. |
Jo teke móžno, funkcije do formulow zasajźiś, ako pśikład pokazujo. Móžośo teke funkcije do funkcijow zašachtelikaś. Funkciski asistent was pśi źěłanju ze zašachtelikanymi funkcijami pódpěra.