Formule kopěrowaś

Dajo někotare móžnosći, z kótarymiž móžośo formulu kopěrowaś. Jadna naraźona metoda jo:

1. Wubjeŕśo celu, kótaraž formulu wopśimujo.

2. Wubjeŕśo Wobźěłaś – Kopěrowaś abo tłocćo +C, aby ju kopěrował.

3. Wubjeŕśo celu, do kótarejež cośo formulu kopěrowaś.

4. Wubjeŕśo Wobźěłaś – Zasajźiś abo tłocćo +V. Formula se w nowej celi zasajźijo.

Jolic cośo formulu do někotarych celow kopěrowaś, jo malsna a lažka metoda, aby ju do susednych celowych wobceŕkow kopěrował:

1. Wubjeŕśo celu, kótaraž formulu wopśimujo.

2. Stajśo kursor myški dołojce napšawo do wuzwignjonego ramika cele a źaržćo tastu myški tłoconu, daniž se pokazowak myški do celoweje kśicki njezměnijo.

3. Śěgniśo z tłoconeju tastu myški dołoj abo napšawo pśez cele, do kótarychž cośo formulu kopěrowaś.

4. Gaž tastu myški pušćijośo, se formula do celow kopěrujo a awtomatiski pśiměrjujo.

Jolic njocośo, až se gódnoty a teksty awtomatiski pśiměrjuju, źaržćo tastu tłoconu, mjaztym až śěgaśo. Formule pak se pśecej pśiměrjuju.