Filtry nałožyś
Filtry a rozšyrjone filtry wam zmóžnjaju, na wěstych filtrowanych smužkach (datowych sajźbach) datowego wobceŕka źěłaś. W tabelowych dokumentach w LibreOffice su wšake móžnosći za nałožowanje filtrow.
-
Jadno wužyśe za funkciju Awtomatiski filter jo, až jano datowe sajźby z identiskimi zapiskami w datowem pólu pokazujo.
-
W dialogu Standardny filter móžośo teke wobceŕki definěrowaś, kótarež gódnoty we wósebnych datowych pólach wopśimuju. Móžośo standardny filter wužywaś, aby wuměnjenja z logiskim operatorom A abo z logiskim operatorom ABO zwězał.
-
Rozšyrjony filter až do wósom filtrowych wuměnjenjow zmóžnja. Z rozšyrjonymi filtrami móžośo wuměnjenja direktnje do tabele zapódaś.
Aby filter wótwónoźił, aby wšykne cele zasej wiźeł, klikniśo do wobceŕka, źož se filter nałožujo a wubjeŕśo pón .
Gaž někotare smužki z wobceŕka wuběraśo, w kótaremž jo se filter nałožył, móžo toś ten wuběrk smužki wopśimowaś, kótarež su widobne a smužki, kótarež su se schowali pśez filter. Jolic pón formatěrowanje nałožujośo, abo wubrane smužki lašujośo, se toś ta akcija jano na widobne smužki nałožujo. Schowane smužki njejsu pótrjefjone.
To jo nawopacne k smužkam, kótarež sćo manuelnje schował z pśikazom Format – Smužki – Smužki schowaś. Manuelnje schowane smužki se lašuju, gaž wuběrk lašujośo, kótaryž je wopśimujo.