Pomoc za LibreOffice 24.8
W LibreOffice Calc móžośo gódnoty, tekst abo formule zasajźiś, kótarež se rownocasnje do drugich wubranych tabelow wašogo dokumenta kopěruju.
Źaržćo tastu cmd ⌘Strg tłoconu a klikniśo na wótpowědne rejtariki, kótarež su hyšći šere na dolnej kšomje źěłowego wobceŕka, aby wšykne póžedane tabele wubrał. Wšykne wubrane rejtariki su něnto běłe.
Móžośo Umsch (⇧)+cmd ⌘Strg+Bild ↑ abo Bild ↓ wužywaś, aby někotare tabele z pomocu tastatury wubrał.
Něnto, gaž gódnoty, tekst abo formule do aktiwneje tabele zasajźujośo, se wóne w identiskich pozicijach w drugich wubranych tabelach zjawiju. Na pśikład daty, kótarež su se zasajźili do cele „A1“ aktiwneje tabele, se awtomatiski do cele „A1“ drugeje wubraneje tabele zapódawaju.