dBASE-dataje importěrowaś a eksportěrowaś

Móžośo daty w datajowem formaśe dBASE (datajowa kóńcowka *.dbf) w LibreOffice Base abo tabelowem dokumenśe wócyniś a składowaś. W LibreOffice Base jo datowa banka dBASE zarědnik, kótaryž dataje z datajoweju kóńcowku .dbf wopśimujo. Kužda dataja tabeli w datowej bance wótpowědujo. Formule a formatěrowanje se zgubiju, gaž dBASE-dataju z LibreOffice wócynjaśo a składujośo.

Aby dBASE-dataju do tabelowego dokumenta importěrowaś:

1. Wubjeŕśo Dataja – Wócyniś….

2. Pytajśo dataju *.dbf, kótaruž cośo importěrowaś.

3. Klikniśo na Öffnen. (słuša k źěłowemu systemoju)

   Dialog dBASE-dataje importěrowaś se wócynijo.

4. Klikniśo na W pórěźe.

   dBASE-dataja se ako nowy tabelowy dokument Calc wócynijo.

   

   Jolic cośo tabelowy dokument ako dBASE-dataju składowaś, njezměnjajśo abo njelašujśo prědnu smužku w importěrowanej dataji. Toś ta smužka informacije wopśimujo, kótarež datowa banka dBASE trjeba.

   
   

Aby dBASE-dataju do tabele datoweje banki importěrował:

Tabela datoweje banki LibreOffice jo pópšawem zwězanje z eksistěrujuceju datoweju banku.

1. Wubjeŕśo Dataja – Nowy – Datowa banka.

2. Zapódajśo do póla Dateiname dialoga Speichern unter mě za datowu banku. (słuša k źěłowemu systemoju)

3. Klikniśo na Speichern. (słuša k źěłowemu systemoju)

4. Wubjeŕśo „dBASE“ w pólu Typ datoweje banki dialoga Kakosći datoweje banki.

5. Klikniśo na Dalej.

6. Klikniśo na Pśepytaś.

7. Wubjeŕśo zapis, kótaryž dBASE-dataju wopśimujo a klikniśo na W pórěźe.

8. Klikniśo na Napóraś.

Aby tabelowy dokument ako dBASE-dataju składował:

1. Wubjeŕśo Dataja – Składowaś ako….

2. Wubjeŕśo „dBASE-dataja“ w pólu Datajowy format .

3. Zapódajśo mě za dBASE-dataju do póla Dateiname. (słuša k źěłowemu systemoju)

4. Klikniśo na Speichern. (słuša k źěłowemu systemoju)