Pivotowe tabele filtrowaś

Móžośo filtry wužywaś, aby njewitane daty z pivotoweje tabele wótwónoźeł.

Klikniśo na tłocašk Filter w tabeli, aby dialog za filtrowańske wuměnjenja wuwołał. Abo móžośo kontekstowy meni pivotoweje tabele wuwołaś a pśikaz Filter wubraś. Dialog Filter se zjawijo. How móžośo pivotowu tabelu filtrowaś.

Móžośo teke na šypku na tłocašku w pivotowej tabeli kliknuś, aby wuskokujuce wokno pokazał. W toś tom wuskokujucem woknje móžośo nastajenja widobnosći pśisłušnego póla wobźěłaś.

• Wuskokujuce wokno lisćinu pólnych elementow pokazujo, kótarež su z tym pólom zwězane. Kontrolny kašćik jo nalěwo pódla mjenja kuždego pólneho elementa. Gaž pólo ma alternatiwne pokazowańske mě, kótarež se wót originalnego mjenja rozeznawa, se to mě w lisćinje pokažo.

• Zmóžniśo abo znjemóžniśo kontrolny kašćik, aby pśisłušny pólny element w pivotowej tabeli pokazał abo schował.

• Zmóžniśo abo znjemóžniśo kontrolny kašćik Wšykne, aby wšykne pólne elementy pokazał abo až njeby žeden pólny element pokazał.

• Wubjeŕśo pólny element we wuskokujucem woknje a klikniśo na tłocašk Jano aktualny zapisk pokazaś, aby janož wubrany pólny element pokazał. Wšykne druge pólne elementy su w pivotowej tabeli schowane.

• Wubjeŕśo pólny element we wuskokujucem woknje a klikniśo na tłocašk Jano aktualny zapisk schowaś, aby jano wubrany pólny element schował. Wšykne druge pólne elementy se w pivotowej tabeli pokazuju.

• Pśikaze wam zmóžnjaju, pólne elementy w póstupujucem abo stupajucem abo wóstupujucem pórěźe abo z pomocu swójskeje sortěrowańskeje lisćiny sortěrowaś.

• Aby swójske sortěrowańske lisćiny wobźěłał, wócyńśo – LibreOffice Calc – Sortěrowańske lisćiny.

• Šypka za wócynjanje wuskokujucego wokna jo zwětšego carna. Gaž pólo jaden schowany pólny element abo někotare schowane elementy wopśimujo, jo šypka módra a pokazujo mały kwadrat dołojce napšawo.

• Móžośo teke wuskokujuce wokno wócyniś, gaž celowy kursor pla tłocaška pozicioněrujośo a +D tłocyśo.

Dataju z pśikładom wócyniś: