Celowe wobceŕki filtrowaś

Móžośo někotare filtry wužywaś, aby celowe wobceŕki w tabelowych dokumentach filtrował. Standardny filter nastajenja wužywa, kótarež pódawaśo, aby daty filtrował. Awtomatiski filter daty pó wěstej gódnośe abo pó wěstem znamuškowem rjeśazku filtrujo. Rozšyrjony filter filtrowe kriterije z pódanych celow wužywa.

Aby standardny filter na celowy wobceŕk nałožył:

  1. Klikniśo na celowy wobceŕk.

  2. Wubjeŕśo Daty – Dalšne filtry – Standardny filter….

  3. Pódajśo póžedane filtrowe nastajenja w dialogu Standardny filter.

  4. Klikniśo na W pórěźe.

    Datowe sajźby se pokazuju, kótarež filtrowym nastajenjam wótpowěduju, kótarež sćo pódał.

Aby awtomatiski filter na celowy wobceŕk nałožył:

  1. Klikniśo na celowy wobceŕk abo wobceŕk datoweje banki.

    Symbol Tip

    Jolic cośo někotare awtomatiske filtry na samsku tabelu nałožyś, musyśo nejpjerwjej wobceŕki datoweje banki definěrowaś a pón awtomatiske filtry na wobceŕki datoweje banki nałožyś.


  2. Wubjeŕśo Daty – Awtomatiski filter.

    Šypkowy tłocašk se kuždej słupowek głowje we wobceŕku datoweje banki pśidawa.

  3. Klikniśo na šypkowy tłocašk w słupje, kótaryž gódnotu abo znamuškowy rjeśazk wopśimujo, kótarejž cośo ako filtrowej kriteriji nastajiś.

  4. Wubjeŕśo gódnotu abo znamuškowy rjeśazk, kótarejž cośo ako filtrowej kriteriuma wužywaś.

    Datowe sajźby, kótarež wubranym filtrowym kriteriumam wótpowěduju, se pokazuju.

Aby filter z celowego wobceŕka wótwónoźeł:

  1. Klikniśo na filtrowany celowy wobceŕk.

  2. Wubjeŕśo Daty – Dalšne filtry – Filter slědk stajiś.

Pšosym pódprějśo nas!