Cele w pjenjeznem formaśe

W LibreOffice Calc móžośo licby pjenjezny format pśipokazaś. Gaž na symbol Pjenjeze w rědce Formatěrowanje klikaśo, aby licbu formatěrował, cela standardny pjenjezny format dostawa, kótaryž jo pód – Rěcy a narodne šemy – Powšykne nastajony.

W LibreOffice Calc móžośo póstajiś, až licba, kótaraž sćo formatěrował ako „1.234,50 €“, teke w drugem kraju w eurach wóstawa a se do dolarow njezměnijo.

Móžośo pjenjezny format w dialogu Cele formatěrowaś změniś (wubjeŕśo Format – Cele… – rejtarik: Licby z dwěma krajnyma nastajenjoma změniś. Wubjeŕśo w kombinaciskem pólu Rěc zakładne nastajenje za decimalne a tysacowkowe źěleńske znamuško. W lisćinowem pólu Format móžośo pjenjezny symbol a jogo poziciju wubraś.

1. Jolic na pśikład rěc jo na „Standard“ nastajona a wužywaśo nastajenje nimskeje narodneje šemy, buźo pjenjezny format „1.234,00 €“. Dypk se ako tysacowkowe źěleńske znamuško a koma ako decimalne źěleńske znamuško wužywa. Jolic něnto pódrědowany pjenjezny format „$ Engelšćina (US)“ z lisćinowego póla Format wuběraśo, dostanjośo format: „$ 1.234,00“. Kaž móžośo wiźeś, stej źěleńskej znamušce samskej wóstałej. Jano pjenjezny symbol jo se změnił a pśetwórił, ale format pisanja samski ako w nastajenju narodneje šemy wóstawa.

2. Jolic pód Rěc cele do „Engelšćina (US)“ pśetwórjujośo, se nastajenje engelskeje narodneje šemy pśenosujo a standardny pjenjezny format jo něnto „$ 1,234.00“.