Tekstowe CSV-dataje wócyniś a składowaś

Pśez komu źělone gódnoty (CSV) jo format tekstoweje dataje, kótaryž móžośo wužywaś, aby daty z datoweje banki abo tabelowego dokumenta mjazy nałoženjami wuměnił. Kužda smužka w tekstowej CSV-dataji datowu sajźbu w datowej bance reprezentěrujo, abo smužku w tabelowem dokumenśe. Kužde pólo w datowej sajźbje datoweje banki abo kužda cela w tabelowem dokumenśe se zwětšego pśez komu źělona wužywa. Móžośo pak druge znamuška wužywaś, aby pólo wótgranicował, na pśikład tabulator.

Jolic pólo abo cela komu wopśimujo, musy se pólo abo cela z jadnorymi pazorkami (') abo dwójnymi pazorkami (") wobdaś.

Aby tekstowu CSV-dataju w Calc wócynił:

Wubjeŕśo Dataja – Wócyniś….
Pytajśo za CSV-dataju, kótaruž cośo wócyniś.

Jolic dataja ma kóńcowku *.csv, wubjeŕśo dataju.

Jolic CSV-dataja ma drugu kóńcowku, wubjeŕśo dataju a pón „Tekst csv“ w dialogu Datajowy typ
Wubjeŕśo kontrolny kašćik Filtrowe nastajenja wobźěłaś, aby dialog Tekstowy import wócynił a importowe nastajenja za wótgranicowane daty nastajił. Joli ckontrolny kašćik Filtrowe nastajenja wobźěłaś njejo wubrany, LibreOffice nastajenja slědneje operacije tekstowego importa wužywa.
Klikniśo na Öffnen. (słuša k źěłowemu systemoju)

Jolic kontrolny kašćik Filtrowe nastajenja wobźěłaś jo wubrany, se dialog Tekstowy import wócynijo. Pótom:

Pódajśo nastajenja, aby tekst w dataji do słupow rozdźělił.
Klikniśo z pšaweju tastu myški do pśeglěda, aby słup formatěrował abo schował.
Klikniśo na W pórěźe.

Markěrujśo kašćik tekstowego źěleńskego znamuška, kótaryž znamuškoju wótpowědujo, kótarež se ma ako tekstowe źěleńske znamuško w dataji wužywaś. Jolic źěleńske znamuško njejo pódane, zapódajśo znamuško do zapódawańskego póla.

Aby tabelu ako tekstowu CSV-dataju składował:

Gaž tabelowy dokument do CSV-formata eksportěrujośo, se jano daty aktualneje tabele składuju. Wšykne druge informacije, mjazy nimi formule a formatěrowanje, se zgubiju.

Wócyńśo tabelu Calc, kótaruž cośo ako dataju tekstowego CSV składowaś.

Jano aktualna tabela dajo se eksportěrowaś.
Wubjeŕśo Dataja – Składowaś ako.
Zapódajśo mě za dataju do póla Dateiname. (Słuša k źěłowemu systemoju)
Wubjeŕśo „Text CSV“ w pólu Datajowy typ.
(Na žycenje) Póstajśo pólne nastajenja za dataju tekstowego CSV.

Wubjeŕśo Filtrowe nastajenja wobźěłaś.

Wubjeŕśo w dialogu Tekst eksportěrowaś póžedane nastajenja.

Klikniśo na W pórěźe.
Klikniśo na Składowaś.

Tekstowe CSV-dataje z formulami importěrowaś a eksportěrowaś

Daty w Base importěrowaś a eksportěrowaś

– LibreOffice Calc – Naglěd

Tekstowe dataje eksportěrowaś

Tekstowe dataje importěrowaś