Kokulku wobraza změniś

Wobraze se do tabelowego dokumenta Calc zasajźuju, kótarež su pó standarźe na celach zakokulone a kótarychž wjelikosć se njezměnja, gaž se cela pśesuwa.

Wobraze daju se na tśi rozdźělne wašnje zakokuliś:

• Na celi: Wobraz se z celu pśesuwa, gaž se cele nad a nalěwo pódla cele z kokulu kopěruju, sortěruju, zasajźuju a lašuju.

• Na celi (z celu wjelikosć změniś): Wobraz se z celu pśesuwa. Mimo togo buźo se wjelikosć wusokosći a šyrokosći wobraza změnjaś, jolic se pózdźej wjelikosć cele ze zakokulenim změnja. Bocny poměr wobraza pózdźejšemu bocnemu poměroju cele ze zakokulenim slědujo.

• Na boku: Pozicija wobraza na boku se pśez sortěrowanje abo pśesunjenja celow njewobwliwujo.

Aby kokulku wobraza změnił:

Wubjeŕśo wobraz a pón Format – Zakokulenje abo wubjeŕśoZakokulenje w kontekstowem meniju wobraza.