Celowe póśěgi pśez śěgnjenje a pušćenje

Z pomocu Nawigatora móžośo cele z jadneje tabele do drugeje tabele w samskem dokumenśe referencěrowaś. Cele daju se ako kopija, zwězanje abo hyperwótkaz zasajźiś. Wobceŕk, kótaryž se ma zasajźiś, musy se z mjenim w originalnej dataji definěrowaś, aby se dał do celoweje dataje zasajźiś.

1. Wócyńśo dokument, kótaryž žrědłowe cele wopśimujo.

2. Aby žrědłowy wobceŕk ako wobceŕk nastajił, wubjeŕśo cele a pón Tabela – Pomjenjone wobceŕki a wuraze – Definěrowaś…. Składujśo žrědłowy dokument a njezacynjajśo jen.

3. Wócyńśo tabelu, do kótarejež cośo něco zasajźiś.

4. Wočińće Nawigator. Wubjeŕśo žrědłowu dataju w dolnem pólu Nawigatora.

5. Žrědłowa dataja se w Nawigatorje pód „Wobceŕkowe mjenja“ zjawijo.

6. Wubjeŕśo ze symbolom Śěgaty modus w Nawigatorje, lěc póśěg ma hyperwótkaz, zwězanje abo kopija byś.

7. Klikniśo na mě pód „Wobceŕkowe mjenja“ w Nawigatorje a śěgniśo je do cele aktualneje tabele, źož cośo póśěg zasajźiś.

Toś ta metoda dajo se teke wužywaś, aby se wobceŕk z drugeje tabele samskego dokumenta do aktualneje tabele zasajźił. Wubjeŕśo aktiwny dokument ako žrědło górjejce w kšacu 4.