Cele pśed změnami šćitaś

W LibreOffice Calc móžośo tabele a dokument ako cełk šćitaś. Móžośo wubraś, lěc se cele pśed pśipadnymi změnami šćitaju, lěc formule daju se z Calc woglědaś, lěc cele su widobne abo lěc cele daju se śišćaś.

Šćit móžo se z gronidłom staś, ale njetrjeba. Jolic sćo pśipokazał gronidło, dajo se šćit jano wótwónoźeś, gaž se pšawe gronidło zapódawa.

Źiwajśo na to, až celowy šćit za cele z atributom Šćitany jo jano efektiwny, gaž cełu tabelu šćitaśo. Pód standardnym wuměnjenim ma kužda cela atribut Šćitany. Togodla musyśo atribut zaměrnje za te cele wótwónoźeś, źož wužywaŕ změny pśewjedujo. Šćitaśo pón cełu tabelu a składujośo dokument.

1. Wubjeŕśo cele, za kótarež cośo nastajenja celowego šćita pódaś.

2. Wubjeŕśo Format – Cele… a klikniśo na rejtarik Celowy šćit.

3. Wubjeŕśo swóje šćitne nastajenja. Wšykne nastajenja se jano nałožuju, gaž tabelu z menija Rědy šćitaśo – glejśo dołojce.

   Znjemóžniśo nastajenje Šćitany, aby wužywarjeju dowólił, tuchylu wubrane cele změniś.

   Wubjeŕśo Šćitany, aby změnam wopśimjeśa a celowego formata zajźował.

   Wubjeŕśo Formulu schowaś, aby formule schował a pśed změnami šćitał.

   Wubjeŕśo Pśi śišćanju schowaś, aby šćitane cele w wuśišćanym dokumenśe schował. Cele se na wobrazowce njechowaju.

4. Klikniśo na W pórěźe.

5. Šćitne nastajenja nałožyś

   Aby cele pśed tym šćitał, až se pó wašych nastajenjach w dialogu Format – Cele… změnjaju, woglěduju abo śišće, wubjeŕśo Rědy – Tabelu šćitaś….

   Aby strukturu dokumenta, na pśikład licadło, mjenja a pórěd tabelow pśed změnami šćitał, wubjeŕśo Rědy – Strukturu tabelowego dokumenta šćitaś….

6. (Na žyenje) Zapódajśo gronidło.

   

   Jolic swójo gronidło zabywaśo, njamóžośo šćit znjemóžniś. Jolic jano cośo cele pśed pśipadnymi změnami šćitaś, nastajśo tabelowy šćit, ale njezapódawajśo gronidło.

   
   

7. Klikniśo na W pórěźe.