Gódnoty zapódaś

Calc móžo zapódawanje datow a gódnotow do někotarych celow zjadnoriś. Móžośo někotare nastajenja pó dobrozdaśu změniś.

Aby gódnoty do celowego wobceŕka manuelnje zapódał:

Stej dwě móžnosći, kótarejž wam pomagatej, gaž datowy blok manuelnje zapódawaśo.

Wobceŕkowe spóznaśe za nowe smužki

W smužce pód głowoweju smužku móžośo wót jadneje cele k pśiducej celi pśejś, gaž tabulatorowu tastu (↹) wužywaśo. Zapódajśo gódnotu do slědneje cele a tłocćo pón tastu Enter. Calc kursor pód prědneju celu aktualnego bloka pozicioněrujo.

Tłocćo w smužce 3 tabulatorowu tastu (↹), aby se wót cele B3 do C3, D3 a E3 póstupował. Tłocćo pón tastu Enter, aby k celi B4 pśejšeł.

Wobceŕkowy wuběrk

Wubjeŕśo wobceŕk, źož cośo gódnoty zapódaś. Něnto móžośo zachopiś gódnoty na kursorowej poziciji we wubranem wobceŕku zapódawaś. Tłocćo tabulatorowu tastu (↹), aby se k pśiducej celi dostał abo Umsch (⇑) + ↹, aby slědk šeł. Na kšomach wubranego wobceŕka tabulatorowa tasta do wubranego wobceŕka skócyjo. Wubrany wobceŕk njespušćijośo.

Wubjeŕśo wobceŕk wót B3 do E7. Něnto B3 na zapódaśe caka. Tłocćo tabulator (↹), aby k pśiducej celi we wubranem wobceŕku pśejšeł.

Aby gódnoty do celowego wobceŕka awtomatiski zapódał:

Glejśo Daty na zakłaźe susednych celow awtomatiski zapódaś