Swójske ramiki w celach

Móžośo wjele linijowych stilow na wubrane cele nałožyś.

1. Wubjeŕśo celu abo celowy blok.

2. Wubjeŕśo Format – Cele…

3. Klikniśo w dialogu na rejtarik Ramiki.

4. Wubjeŕśo ramikowe nastajenja, kótarež cośo nałožyś a klikniśo na W pórěźe.

Nastajenja we wobceŕku Linijowy pórěd daju se wužywaś, aby někotare ramikowe stile nałožył.

Wuběrk celow

Wótwisujucy wót wuběrka celow wobceŕk hynac wuglěda.

Wuběrk	Linijowy pórěd (wobceŕk)
Jadna cela
Cele w słupje
Cele w smužce
Cele w bloku 2 x 2 abo wěcej

Standardne nastajenja

Klikniśo na jaden ze symbolow pód Pśednastajenja, aby někotare ramiki nastajił abo slědk stajił.

• Śańke šere linije w symbolu ramiki pokazuju, kótarež se slědk stajaju abo lašuju.

• Śamne linije w symbolu linije pokazuju, kótarež se z wubranym linijowy stilom a wubraneju barwu nastajaju.

• Tłuste šere linije w symbolu linije pokazuju, kótarež se njezměnjaju.

Pśikłady

Wubjeŕśo blok 8 x 8 celow a pón Format – Cele… – Ramiki.

• Klikniśo na lěwy symbol, aby wšykne linije wulašował. To wšykne wenkowne, wšykne nutśikowne a wšykne diagonalne linije wótwónoźijo.

• Klikniśo na drugi symbol wótlěwa, aby wenkowny ramik nastajił a wšykne druge linije wótwónoźeł.

• Klikniśo na symbol napšawo wenka, aby wenkowny ramik nastajił. Nutśikowne linije se njezměnjaju, jano diagonalne linije se wótwónoźuju.

Něnto móžośo wopytaś, kótare linije druge symbole nastajaju abo wótwónoźuju.

Swójske nastajenja

We wobceŕku Swójski móžośo kliknuś, aby jadnotliwe linije pśidał abo wótwónoźeł. Pśeglěd linije w tśich rozdźělnych stawach pokazujo.

Klikniśo wóspjet na kšomu abo rožk, aby tśi rozdźělne stawy pśejšeł.

Linijowe typy	Wobraz	Wóznam
Carna linija		Carna linija wótpowědnu liniju wubranych celow nastaja. Linija se ako dypkata linija pokazujo, gaž linijowy stil 0,05 pt wuběraśo. Dwójne linije se pokazuju, gaž stil dwójneje linije wuběraśo.
Šera linija		Šera linija se pokazujo, gaž se wótpowědna linija wubranych celow njezměnja. Linija se na toś tej poziciji njepśidawa abo njewótwónoźujo.
Běła linija		Běła linija se pokazujo, gaž se wótpowědna linija wubranych celow wótwónoźujo.

Pśikłady

Wubjeŕśo jadnotliwu celu a pón Format – Cele… – Ramiki.

Klikniśo na lěwu kšomu, aby śańku liniju ako ramik pśidał. Wšykne druge linije se z cele wótwónoźuju.

Wubjeŕśo tłusćejšy linijowy stil a klikniśo na dolnu kšomu. To tłusćejšu liniju ako dolny ramik nastaja.

Klikniśo na drugi symbol wótlěwa pód Pśednastajenja, aby wšykne styri ramiki nastajił. Klikniśo pón wóspjet na dolnu kšomu, daniž se běła linija njepokazujo.

Móžośo rozdźělne linijowe typy a linijowe stile kombiněrowaś. Slědny wobraz pokazujo, kak móžośo tłuste wenkowne ramiki (tłuste carne linije) pokazujo, ale diagonalne linije w celi njepśeměnjone wóstanu (šere linije).