Mjenja ako adresěrowanje spóznaś
Móžośo cele z tekstom wužywaś, aby se na smužki abo słupy póśěgował, kótarež cele wopśimuju.
W pśikładowej tabeli móžośo znamuškowy rjeśazk 'Słup jaden' w formuli wužywaś, aby se na celowy wobceŕk B3 do B5 póśěgował, abo 'Słup dwa' za celowy wobceŕk C2 do C5. Móžośo teke 'Smužka jaden' za celowy wobceŕk B3 do D3 wužywaś, abo 'Smužka dwa' za celowy wobceŕk B4 do D4. Wuslědk formule, kótaraž celowe mě wužywa, jo celowe mě, na pśikład SUMA('Słup jaden') wužywa, jo 600.
Awtomatiske pytanje jo zestarjeta funkcija a jo pó standarźe znjemóžnjone, dokulaž móžo k njedeterministiskemu zaźaržanjeju wjasć, wótwisujucy wót napšawdnego wopśimjeśa. Aby toś tu funkciju zmóžnił, wubjeŕśo LibreOffice – NastajenjaRědy – Nastajenja – LibreOffice Calc – Wulicyś a markěrujśo kontrolny kašćik Pópisanja słupow a smužkow awtomatiski namakaś.
Wužywanje definěrowanych pópisanjow jo pśecej móžne a zaźaržujo se pódobnje, ale na definěrowany nałog.
Jolic mě pópisanja do formule zapódawaśo, stajśo mě do jadnorych pazorkow ('). Jolic jadnore pazorki se w mjenju zjawiju, musyśo je pódwójś, na pśikład 'lětnik ''90'.