Funkciju wubraś

Zasajźćo funkciju celowego wobceŕka do aktualneje cele. Funkcija móžo Suma, Pśerězk, Min, Maks a Licba byś. Klikniśo do cele, pón na toś ten symbol, wubjeŕśo funkcije we wuběrańskej lisćinje a pśiměŕśo na žycenje celowy wobceŕk. Abo wubjeŕśo někotare cele, do kótarychž se ma funkciska gódnota zasajźiś a klikniśo pón na symbol. Wuslědk funkcije se dołojce we wobceŕku pśidawa.

Wubjeŕśo funkciju, kótaraž se bźez wubranego wobceŕka nałožujo

LibreOffice awtomatiski celowy wobceŕk naraźujo, jolic tabelowy dokument daty wopśimujo. Jolic celowy wobceŕk južo funkciju wopśimujo, móžośo ju z noweju kombiněrowaś, aby funkciju dostał, kótaraž se na daty wobceŕka nałožujo. Jolic wobceŕk filtry wopśimujo, se mjazysumowa funkcija město wubraneje funkcije zasajźujo.

Klikniśo na symbol Akceptěrowaś, aby formulu wužywał, kótaraž se w zapódawańskej smužce pokazujo abo na Pśetergnuś.

Wubjeŕśo funkciju, kótaraž se ma na wubrany wobceŕk nałožyś

Jolic wubrany wobceŕk dwě smužce abo wěcej smužkow ma, se funkcija za kuždy słup woblicujo. Wuslědki se w proznych celach w prědnej k dispoziciji stojecej smužce pód wobceŕkom placěruju, jaden na słup.

Jolic wubrany wobceŕk ma jadnu smužku, se wuslědk funkcije w prědnej k dispoziciji stojecej celi napšawo pódla wubranego wobceŕka placěrujo.