Wóźeńske elementy zasajźiś
Wócynja symbolowu rědku Wóźeńske elementy.
Wójźeńske elementy zasajźiś
-
Klikniśo dwójcy we wobźěłowańskem modusu, aby dialog Kakosći wócynił.
-
We wobźěłowańskem modusu móžośo teke z pšaweju tastu na wóźeński element kliknuś a pśikaze Wurězaś, Kopěrowaś a Zasajźiś wubraś.
Tłocašk
Pśidawa pśikazowy tłocašk. Móžośo pśikazowy tłocašk wužywaś, aby pśikaz za definěrowane tšojenje, na pśikład kliknjenje z myšku, wuwjadł.
Jolix cośo, móžośo tłocaškoju tekst abo grafiku pśidaś.
Wobrazowy wóźeński element
Pśidawa wóźeński element, kótaryž grafiku pokazuji.
Kontrolny kašćik
Pśidawa kontrolny kašćik, kótaryž móžośo wužywaś, aby funkciju zmóžnił abo znjemóžnił.
Opciski tłocašk
Pśidawa tłocašk, kótaryž wužywarjeju zmóžnja, z rěda móžnosćow wubraś. Zrědowane opciske tłocaški muse za sobu slědujucy tabulatorowy pórěd měś. Su zwětšego pśez kupkowe pólo wobdane. Jolic dwě kupce opciskich tłocaškow maśo, musyśo tabulatorowy pórěd mjazy tabulatorowymi pórědami dweju kupkowu zasajźiś. Na pśikład k wobłukoju drugeje kupki abo k drugemu wóźeńskemu elementoju, mimo k drugemu opciskemu tłocaškoju.
Pópisańske pólo
Pśidawa pólo za pokazowanje tekstowych pópisanjow. Toś te pópisanja su jano za pokazowanje pśeddefiněrowanego teksta myslone, nic za zapódawanje teksta.
Tekstowe pólo
Pśidawa zapódawańske pólo, źož móžośo tekst zapódaś a wobźěłaś.
Lisćinowe pólo
Pśidawa pólo, źož móžośo na zapisk w lisćinje kliknuś.
Kombinaciske pólo
Pśidawa kombinaciske pólo. Kombinaciske pólo jo jadnosmužkowe lisćinowe pólo, na kótarež wužywaŕ móžo kliknuś a pón zapisk z lisćiny wubraś. Jolic cośo, móžośo zapiski ako „Jano cytaś“ póstajiś.
Horicontalna suwata rědka
Pśidawa dialogoju horicontalnu suwatu rědku.
Wertikalna suwata rědka
Pśidawa dialogoju wertikalnu suwatu rědku.
Kupkowy wobłuk
Pśidawa wobceŕk, kótaryž móžośo wužywaś, aby pódobne wóźeńske elementy wizuelnje rědował, na pśikład opciske tłocaški.
Aby dwě rozdźělnej kupce opciskich tłocaškow definěrował, zawěsććo, až tabulatorowy indeks kupkowego wobłuka jo mjazy tabulatorowymi indeksami toś teju dweju kupkowu.
Póstupowa grěda
Pśidawa dialogoju póstupowu grědu.
Horicontalna linija
Pśidawa dialogoju horicontalnu liniju.
Wertikalna linija
Pśidawa dialogoju wertikalnu liniju.
Datumowe pólo
Pśidawa datumowe pólo.
Jolic datumowemu póloju kakosć „Pokazaś“ pśipokazujośo, móžo wužywaŕ kalendaŕ pokazaś, aby datum wubrał.
Casowe pólo
Pśidawa casowe pólo.
Numeriske pólo
Pśidawa numeriske pólo.
Pjenjezne pólo
Pśidawa pjenjezne pólo.
Formatěrowane pólo
Pśidawa tekstowe pólo, źož móžośo formatěrowanje za zapódany abo wudany tekst definěrowaś a gódnoty wobgranicowaś.
Maskěrowane pólo
Pśidawa maskěrowane pólo. Maskěrowane pólo se ze zapódawańskeje maski a znamuškoweje maski zestaja. Zapódawańska maska póstaja, kótare wužywaŕske daty daju se zapódaś. Znamuškowa maska status maskěrowanego póla póstaja, gaž se formular zacytajo.
Datajowy wuběrk
Pśidawa tłocašk, kótaryž dialog za datajowy wuběrk wócynja.
Wuběrk
Zmóžnja abo znjemóžnja wuběrański modus. W toś tom modusu móžośo wóźeńske elementy wubraś, aby mógał je wobźěłowaś.
Kakosći
Wócynja dialog, źož móžośo kakosći wubranego wóźeńskego elementa wobźěłowaś.
Testowy modus aktiwěrowaś
Startujo testowy modus. Klikniśo na symbol „Dialog zacyniś“, aby testowy modus skóńcył.
Rěc zastojaś
Wócynja dialog, z kótarymž móžośo někotare sajźby dialogowych resursow za někotare rěcy zmóžniś abo zastojaś.
Bomowy wóźeński element
Pśidawa bomowy wóźeński element, kótaryž móžo hierarchisku lisćinu pokazaś. Móžośo lisćinu w swójom programje z pomocu API-wuwołanjow (XtreeControl) napołniś.
Tabelowy wóźeński element
Pśidawa tabelu, kótaraž móžo tabelowe daty pokazaś. Móžośo daty w swójom programje z pomocu API-wuwołanjow napołniś.
Wótkazowy wóźeński element
Pśidawa wótkazowy wóźeński element, kótaryž móžo adresu we webwobglědowaku wócyniś.