Dialog importěrowaś

Wócynja dialog „Wócyniś“, aby dataju dialoga BASIC importěrował.

Jolic importěrowany dialog ma mě, kótarež w bibliotece južo eksistěrujo, buźośo zdźěleńske pólo wiźeś, źož móžośo importěrowany dialog pśemjeniś. W toś tom paźe se dialog do pśiducego lichego „awtomatiskego“ mjenja pśemjenijo, ako gaž se nowy dialog napórajo. Abo móžośo eksistěrujucy dialog pśez importěrowany dialog wuměniś. Jolic na Pśetergnuś klikaśo, se dialog njeimportěrujo.

Dialogi mógu daty wó lokalizaciji wopśimowaś. Gaž se dialog importěrujo, móžo byś, až lokalizaciski status jo wopacny.

Gaž biblioteka pśidatne rěcy w pśirownanju z importěrowanym dialogom wopśimujo, abo jolic importěrowany dialog scełego njejo lokalizěrowany, se pśidatne rěcy importěrowanemu dialogoju z pomocu znamuškowych rjeśazkow standardneje rěcy dialog mjelcyno pśidawaju.

Jolic importěrowany dialog pśidatne rěcy w pśirownanju z biblioteku wopśimujo, abo jolic biblioteka scełego njejo lokalizěrowana, buźośo zdźěleńske pólo z tłocaškami Pśidaś, Wuwóstajiś a Pśetergnuś wiźeś.

• Pśidaś: Pśidatne rěcy z importěrowanego dialoga se južo eksistěrujucemu dialogoju pśidawaju. Resurse ze standardneje rěcy biblioteki se za nowe rěcy wužywaju. To jo tak,ako by wy toś te rěcy manuelnje pśidał.

• Wuwóstajiś: Rěcne nastajenja biblioteki njezměnjone wóstanu. Resurse importěrowanego dialoga za wuwóstajone rěcy se do biblioteki njekopěruju, ale wóstanu w žrědłowych datajach importěrowanego dialoga.