Menús
La barra de menús contién toles órdenes que te dexarán trabayar con Math de LibreOffice. Dende equí pues aportar a la llista d'operadores disponibles; asinamesmo, hai órdenes pa editar, reparar, entamar, formatiar ya imprentar documentos de fórmules y los oxetos qu'éstos contengan. La mayor parte de les opciones de menú namái puen activase cuando se crea o modifica una fórmula.
Los comandos pa editar, ver, ordenar, formatear ya imprentar un documentu o'l so conteníu namái puen activase si'l documentu ta abiertu y trátase del documentu actual. Un documentu actual ye'l que figura en primer planu na pantalla. Si los comandos tuvieren de referise a un solu oxetu nel documentu, l'oxetu en cuestión tendrá de tar escoyíu.
Los menús son sensibles al contestu. Esto significa que tán disponibles les opciones de menú importantes pa la xera que se lleva a cabu na actualidá. Si'l cursor s'atopa nun testu, tarán disponibles toles opciones de menú necesaries pa editar el testu. Si nel documentu esbillasti gráficos, vas ver tolos elementos de menú que puen emplegase pa editar gráficos.