Ordenar y Arrexuntar

Nel diálogu Ordenar y Arrexuntar del Xenerador d'Informes , pue definir los campos que van ser ordenaos, y los campos que se van caltener xuntos pa conformar un grupu. Si arrexunta l'informe per un campu específicu, tolos rexistros col mesmu valor d'esi campu van caltenese xuntos nun grupu.

El cuadru de grupos amuesa los campos n'orde de riba escontra baxo. Pue escoyer cualquier campu, y depués faer clic nel botón Mover enriba o Mover embaxo pa mover los campos enriba o embaxo dientro de la llista.

La ordenación y agrupamientu va aplicar nel orde de la llista de riba escontra baxo.

De forma predeterminada créase un nuevu grupu per cada valor modificáu del campu escoyíu. Pue camudar esti comportamientu dependiendo del tipu de campu:

  1. Pa campo tipu testu, pue escoyer los caráuteres de prefixu ya introducir un númberu n de caráuteres na caxa de testu inferior. Los rexistros colos primeres n caráuteres van arrexuntase.

  2. Pa campos de tipu Fecha/Hora, pue arrexuntar los rexistros per añu, trimestre, mes, selmana, día, hora, o minutu. Amás pue definir un intervalu pa selmanes y hores: 2 selmanes correspuende a un agrupamientu biselmanal, 12 hores correspuende a un agrupamientu de mediu día.

  3. Pa campos de tipu Autonumberación, Moneda o Númberu, especifique un intervalu.

Si define caltener xuntos dellos rexistros na mesma páxina, va tener tres opciones:

  1. Non – les llendes de la páxina nun se tienen en cuenta.

  2. Grupu Completu – imprime la testera de grupu, la seición de detalle y el pie de páxina del grupu na mesma páxina.

  3. Con Primer detalle - imprime la testera de grupu na páxina namái si'l primer rexistru pue imprimise na mesma páxina.

Please support us!