Formatear númberos como testu

En LibreOffice Calc puédense formatear los númberos como si fueren testu. Abra'l menú contestual de la caxella o área de caxelles y escueya Formatear caxelles - Númberu y, de siguío, escueya "Testu" na llista Categoría. Tolos númberos que s'escriban d'equí p'arriba nel área formateada van interpretase como testu. Estos "númberos" preséntense alliniaos a la izquierda, como cualquier testu.

Si yá introdució númberos en caxelles y depués camudó'l formatu d'éstes a "Testu", aquéllos van siguir siendo númberos normales. Esto ye, nun se van convertir en testu. Namái los númberos introducíos dempués d'asignar el formatu, o aquéllos que s'editen dempués, van convertir en formatu testu.

Si decide introducir un númberu directamente como testu, escriba en primer llugar un apóstrofe ('). Por exemplu, nel casu d'años qu'actúen como testeres de columna, pue escribir '1999, '2000 y '2001. L'apóstrofe nun ye visible na caxella; namái indica que la entrada tien d'interpretase como testu. Esta carauterística resulta práctica, por exemplu, pa escribir un númberu de teléfonu o un códigu postal qu'empiece per cero (0) yá que, nos formatos numbéricos normales, los ceros qu'anteceden a una secuencia de díxitos esaníciense.

Please support us!