Introducir fórmula matricial

De siguío amuésase un exemplu d'entrada d'una fórmula de matriz, ensin entrar en detalles sobre les funciones de matriz.

Imaxine qu'ingresó 10 númberos na columna A y otros 10 na columna B, (A1:A10 y B1:B10, respectivamente) y que deseya calcular la suma de cada filera na columna C.

1. Por aciu el mur, escueya'l rangu C1:C10, onde se va amosar la resultancia.

2. Prima la tecla F2 o faiga clic na llinia d'entrada de la Barra de fórmules.

3. Introduza'l símbolu (=).

4. Escueya'l rangu A1:A10, que contién los valores del primera sumando de la fórmula.

5. Calque la tecla más (+).

6. Escueya los númberos de la segunda columna asitiaos nes caxelles B1:B10.

7. Termine la entrada cola combinación de tecles de matriz: Mayús + + Intro.

El rangu de la matriz queda protexíu automáticamente contra posibles cambeos, como'l borráu de fileres o columnes. Sicasí, puen editase los atributos de formatu, como'l fondu de caxella.