Aplicar la busca del valor destín

Col valor destín determinar un valor que, como parte d'una fórmula, conduz-y a un resultancia qu'usté especificara. Esto ye, usté define la fórmula con dellos valores fixos, un valor variable y la resultancia de la fórmula.

Exemplu de valor destín

Pa calcular los intereses añales (I), cree primero una tabla colos valores relativos al capital (C), los años (n) y el tipu d'interés (i). La fórmula ye:

I = C * n* i

Supongamos que'l tipu d'interés i del 7,5% y la cantidá d'años n (1) son constantes. Sicasí, plantégase la cuestión d'en qué midida tien de camudase l'empléu de capital C pa llograr un determináu rédituI. Pa esti exemplu, calcule'l capital C que precisa si desea un rindimientu añal de 15.000 €.

Introduza los valores pal capital C (un valor arbitrariu como 100.000 $), la cantidá d'años n (1) y un tipu d'interés i (7,5%) en cada caxella. Introduza la fórmula pa calcular l'interés I n'otra caxella. En llugar de C, n y i, utilice la referencia a la caxella col valor correspondiente.

  1. Coloque'l cursor na caxella que contenga l'interés I y escueya Ferramientes - Búsqueda del valor destín. Apaez el diálogu Guetar valor destín.

  2. Nel campu Caxella de fórmula yá s'indica la caxella correcta.

  3. Coloque'l cursor nel campu Caxella variable. Na fueya, faiga clic na caxella que contién el valor que deseye camudar; nesti exemplu, ye la caxella col valor efeutivu C.

  4. Escriba la resultancia esperada de la fórmula nel cuadru de testu Valor de destín. Nesti exemplu, el valor ye 15.000. Calque Aceutar.

  5. Apaez un diálogu pa indicar que la busca del valor destín remató con ésitu. Faiga clic en pa introducir la resultancia na caxella col valor variable.

Please support us!