Abrir y guardar ficheros de testu CSV

Los ficheros con valores separaos por comes (CSV) son ficheros de testu que pue utilizar pa intercambiar datos ente aplicaciones dende una base de datos o fueya de cálculu. Cada llinia d'un ficheru de testu CSV representa un rexistru de la base de datos o una filera de la fueya de cálculu. Los campos d'un rexistru de base de datos o les caxelles d'una filera de fueya de cálculu suelen tar dixebraos por comes. Sicasí, puen utilizase otros caráuteres pa delimitar los campos, como'l tabulador.

Si'l conteníu d'un campu o una caxella inclúi una coma, dichu conteníu debi tar zarráu ente comines simples (') o dobles (").

P'abrir un ficheru de testu CSV en Calc

  1. Escueya Ficheru - Abrir.

  2. Busque el ficheru CSV que deseye abrir.

    Si el ficheru tien la estensión *.csv, escuéyalo.

    Si'l ficheru CSV tien otra estensión, esbíllalu y llueu escueyi «Testu CSV» nel cuadru Filtru

  3. Calca n'Abrir.

    Ábrese'l diálogu Importar testu.

  4. Especifique les opciones pa estremar el testu del ficheru en columnes.

    Na parte inferior del diálogu Importar testu va llograr una vista previa del diseñu de los datos importaos.

    Col botón derechu, faiga clic nuna columna de la vista previa p'axustar el formatu o anubrir la columna.

    Iconu de conseyu

    Active'l caxellu d'allindiador de testu que coincida col caráuter utilizáu como allindiador de testu nel ficheru. Si un allindiador nun apaez, escriba'l caráuter nel cuadru d'entrada.


  5. Faiga clic en Aceutar.

Pa guardar una fueya como ficheru de testu CSV

note

Al esportar una fueya cálculu al formatu CSV, namái se guarden los datos de la fueya actual. El restu de la información, fórmules y formatu inclusive, piérdese.


  1. Abra la fueya de Calc que deseye guardar como ficheru de testu CSV.

    Iconu de nota

    Namái pue esportase la fueya actual.


  2. Active'l comandu Ficheru - Guardar como.

  3. Nel cuadru Nome de ficheru, introduza un nome pal ficheru.

  4. Escueyi «Testu CSV» nel cuadru Filtru.

  5. (Opcional) Configure les opciones de campu pal ficheru de testu CSV.

    Escueya Editar configuración de filtros.

    Nel diálogu Esportación de testu, escueya les opciones que prefiera.

    Faiga clic en Aceutar.

  6. Faiga clic en Guardar.

Please support us!