Importar diálogu

Apuerta a un diálogu "Abrir" pa importar un ficheru de diálogu BASIC.

Si'l diálogu que s'importa tien el mesmu nome qu'otru esistente na biblioteca, va ver un mensaxe que-y va dexar renomar el diálogu a importar. Nesti casu, al diálogu va dáse-y el siguiente nome "automáticu" que tea llibre, de la mesma forma que cuando se crea un nuevu diálogu. Tamién pue trocar el diálogu esistente col que se ta importando. Si fai clic en "Encaboxar" el diálogu nun se va importar.

Los diálogos puen contener datos de rexonalización. Cuando s'importa un diálogu pue asoceder que nun coincida l'estáu de rexonalización del diálogu.

Cuando la biblioteca contién idiomes adicionales a los del diálogu importáu, o si'l diálogu importáu nun contién nenguna rexonalización, van amestar ensin avisu previu tolos idiomes adicionales al diálogu importáu, usando les cadenes de la configuración rexonal predeterminada del diálogu.

Si'l diálogu importáu contién idiomes adicionales a los de la biblioteca, o si la biblioteca nun contién nenguna rexonalización, va ver un mensaxe colos botones «Amestar», «Omitir» y «Encaboxar».

• Amestar: Los idiomes adicionales del diálogu importáu van amestar a los de los diálogos esistentes. Los recursos del idioma predetermináu de la biblioteca van usar pa los nuevos idiomes. Ye lo mesmo que cuando amiesta los idiomes manualmente.

• Omitir: La configuración d'idiomes de la biblioteca va permanecer intacta. Nun se van copiar a la biblioteca los recursos de los idiomes omitíos, pero van permanecer nos ficheros fonte del diálogu importáu.