Depuración d'un programa Basic
Puntos de rotura y execución pasu a pasu
Cola execución de camín únicu pue comprobase que nun haya fallos en nenguna llinia del programa Basic. Los fallos puen rastrexar fácilmente yá que les resultancies de cada pasu puen trate darréu. Un punteru de la columna de puntos de rotura del editor indica cuál ye la llinia actual. Tamién pue establecer puntos de ruptura si deseya forzar la interrupción del programa nuna posición específica.
Calque dos vegaes na columna puntu de rotura de la esquierda de la ventana del editor p'alternar un puntu de rotura na llinia correspondiente. Cuando'l programa llega a un puntu de rotura, la so execución atáyase.
La execución pasu a pasu usando l'iconu Pasu a pasu fai que'l programa se divida en procedimientos y funciones.
La execución por aciu l'iconu de Pasu a pasu fai que'l programa considere los procedimientos y funciones como un únicu pasu y los salte.
Propiedaes d'un puntu de rotura
Les propiedaes d'un puntu de rotura tán disponibles al traviés del so menú de contestu calcando col botón derechu nésti na columna de puntos de rotura.
Los puntos de rotura puen activase y desactivase escoyendo Activu nel menú contestual. Cuando se desactiva un puntu de rotura, nun s'encaboxa la execución del programa.
Por que s'amuese'l diálogu Puntos de rotura onde especificar otres opciones, escueya Propiedaes dende'l menú contestual d'un puntu de rotura o escueya Puntos de rotura dende'l menú contestual de la columna de puntos de rotura.
La llista amuesa tolos puntos de rotura col númberu de llinia correspondiente nel códigu fonte. Los puntos de rotura escoyíos puen activase o desactivase marcando o desmarcando'l caxellu Activu.
La opción Adaptación especifica'l númberu de vegaes que pue pasase sobre'l puntu de rotura primero que'l programa atáyese. Si escríbese 0 (el valor predetermináu) el programa siempres s'encaboxa en cuanto atopa un puntu de rotura.
Calque en Desaniciar pa desaniciar físicamente'l puntu de rotura del programa.
Supervisión del valor de les variables
Los valores d'una variable puen supervisase amestándola a la ventana Observador. P'amestar una variable a la llista de variables reparaes, escriba'l so nome nel cuadru de testu Observador y calque Intro.
Los valores de les variables namái s'amuesa si tán nel área. Les variables que nun tán definíes na posición de códigu fonte actual amuesen la indicación ("Out of Scope") en llugar d'un valor.
Na ventana Observador tamién puen incluyise matrices. Si escribe'l nome d'una matriz ensin un valor d'índiz nel cuadru de testu Observador, amuésase'l conteníu de tola matriz.
Si avera'l mur sobre una variable predefinida nel Editor mientres el tiempu d'execución, el conteníu de la variable amosar nun cuadru emerxente.
Usu de la ventana Pila de llamada
Apurre un resume de la xerarquía de llamada de procedimientos y funciones. Pue determinase qué procedimientos y funciones llamaron a qué otros procedimientos y funciones nel puntu actual del códigu fonte.