Biblioteques, módulos y diálogos

De siguío descríbese l'usu básicu de biblioteques, módulos y diálogos en LibreOffice Basic.

LibreOffice Basic ufierta ferramientes d'ayuda pa estructurar los proyectos. Almite delles "unidaes" que permiten agrupar SUBS y FUNCIONES individuales nun proyectu Basic.

Biblioteques

Les biblioteques sirven como ferramienta pa entamar módulos y puen axuntase a un documentu o una plantía. Cuando se guarda'l documentu o plantía, tolos módulos que contienen tamién se guarden.

Una biblioteca pue contener hasta 16.000 módulos.

Módulos

Un módulu contién SUBS y FUNCIONES xunto con declaraciones de variables. El llargor del programa que pue guardase nun módulu ta llendada a 64 KB. Si necesita más espaciu, pue xebrar un proyectu de LibreOffice Basic en dellos módulos, y dempués guardalos nuna biblioteca única.

Módulos de diálogu

Los módulos de diálogu combinen nun únicu módulu la estructura de tolos cuadros de diálogu, les propiedaes de tolos elementos del diálogu y les acciones asignaes a SUBS. Por cuenta de que los módulos de diálogu namái puen contener un únicu diálogu, de cutiu denominar "diálogos".