Basic

Esta seición apurre los fundamentos pa trabayar con LibreOffice Basic.

El códigu de LibreOffice Basic se ba en subrutinas y funciones que s'especifiquen ente seiciones sub...end sub y function...end function. Cada Sub o Function pue llamar a otros módulos Sub y Function. Si escribe códigu xenéricu pa módulos Sub o Function, probablemente podrá reutilizase n'otros programes. Vease tamién Procedimientos y funciones.

¿Qué ye una Sub?

Sub ye la contraición de subroutine, que s'utiliza pa remanar una xera concreta dientro d'un programa. Les sub estremen una xera en procedimientos individuales. Estremar un programa en procedimientos y soprocedimientos ameyora la so comprensibilidá y amenorga la posibilidá de fallos. Una sub pue tomar dellos argumentos como parámetros, pero nun devuelve nengún valor a la sub o función que la llamó, por exemplu:

FacerDalgoColosValores(MioPrimerValor,MioSegunduValor)

¿Qué ye una Función?

Una función ye esencialmente una sub que devuelve un valor. Les funciones puen usase nel llau derechu d'una declaración de variable o n'otros sitios en que de normal s'usaríen valores, por exemplu:

MioSegunduValor = mioFunción(MioPrimerValor)

Variables globales y locales

Les variables globales son válides pa toles sub y funciones conteníes nun módulu. Declárense de primeres del módulu, enantes d'empiece la primera sub o función.

Les variables que se declaren dientro d'una sub o función namái son válides dientro d'éstes. Estes variables invaliden les variables globales col mesmu nome según les locales col mesmu nome que provengan de subs o funciones de xerarquía cimera.

Estructuración

Dempués de dixebrar el programa en procedimientos y funciones (Subs y Functions), éstes puédense guardar como ficheros pa reutilizales n'otros proyectos. LibreOffice Basic almiti Módulos y biblioteques. Tanto subs como funciones siempres s'inclúin en módulos. Los módulos puen definise por que seyan globales o formen parte d'un documentu. Dellos módulos puen combinase nuna biblioteca.

Les subs, les funciones, los módulos y les biblioteques pue copiase y treslladar d'un ficheru a otru por aciu el diálogu Macro.