Carauterístiques de LibreOffice Writer

From LibreOffice Help
Jump to: navigation, search

LibreOffice Writer dexa-y diseñar y producir documentos de testu que puen incluir ilustraciones, tables y diagrames. Pue archivar los documentos nuna gran variedá de formatos, incluyendo'l formatu estándar pa documentos abiertos OpenDocument (ODF), formatu .doc de Microsoft Word o HTML. Y pue esportar fácilmente los documentos al formatu de documentu portatil (PDF).

Escribir

LibreOffice Writer dexa crear documentos básicos, como memorándums, faxes, cartes, currículum y combinación de documentos, según ficheros llargos, complexos o con dellos apartaos, con bibliografíes, tables de referencia y índices.

LibreOffice Writer tamién presenta funciones útiles como un correutor ortográficu, un diccionariu de sinónimos, correición automática y un separador silábicu, al igual que plantíes pa casi cualquier finalidá. Tamién pue crear plantíes propies usando los asistentes.

Diseñu y estructuración

LibreOffice ufierta una amplia variedá d'opciones pa diseñar documentos. Use la ventanaVentana d'Estilos y Formatu pa crear, asignar y modificar los estilos de párrafos, caráuteres concretos, marcos y páxines. Amás, col Navegador pue movese con rapidez pel interior de los documentos, esaminar el ficheru d'un mou esquemáticu y siguir la pista de los oxetos que s'inxertaren nel documentu.

Tamién pue crear dellos índices nos documentos de testu. Pue definir la estructura y apariencia de los índices y de les tables según les sos necesidaes. Hiperenllaces y marques de testu activos dexen saltar a los elementos correspondientes nel testu.

Preimpresión con LibreOffice Writer

LibreOffice Writer contién númberos ferramientes de maquetación y dibuxu aptes pa la creación de documentos profesionales, como folletos, boletinos ya invitaciones. Pue formatear documentos con diseños de delles columnes, marcos de testu, gráficos, tables y otros oxetos.

Cálculu

Los documentos de testu de LibreOffice disponen d'una función de cálculu integrada que dexa executar sofisticaes funciones de cálculu o enllaces lóxicos. La tabla que se precisa pal cálculu pue crease ensin problemes y de forma bien cenciella nel documentu de testu.

Crear dibuxos

Les ferramienta de dibuxu de LibreOffice Writer dexen crear dibuxos, gráficos, lleendes y otros tipos d'imaxes directamente nel documentu de testu.

Inxertar imaxes

Pue inxertar imaxes conformatos distintos dientro d'un documentu de testu, inclusive ilustraciones con formatos de JPG o GIF. A de más, la Galería provée una coleición d'ilustraciones, y la Galería de Fontwork crea efeutos maraviyosos de fontes.

Interfaz del programa flexible

La interfaz del programa diseñóse de mou que pueda configurala según les sos preferencies, incluyíos los símbolos de personalización y los menúes. Pue asitiar delles ventanes de programes, por exemplu la d'Estilu y formatu o la del Navegador, como ventanes flotantes en cualquier llugar de la pantalla. Tamién pue acoplar delles ventanes en borde del área de trabayu.

Abasnar y asitiar

La función de abasnar y asitiar dexa trabayar rápida y conducentemente con documentos de testu en LibreOffice. Por exemplu, pue abasnar y asitiar oxetos, como los gráficos de Galería, d'un allugamientu a otra nel mesmu documentu o ente documentos de LibreOffice activos.

Funciones d'ayuda

Pue usar el sistema d'ayuda en llinia ampliada como una referencia completa pa les aplicaciones de LibreOffice, incluyíes les instrucciones pa xeres cencielles y complexes.