Definir distintes testeres y pies de páxina

From LibreOffice Help
Jump to: navigation, search

Pue usar testeres y pies de páxina distintes en delles páxines del documentu, siempres que les páxines usen estilos distintos. LibreOffice apurre dellos estilos de páxines predefiníos, como Primer páxina, Páxina esquierda y Páxina derecha. Tamién pue crease un estilu de páxina personalizáu.

Tamién pue utilizar el diseñu de páxina reflexáu si quier amestar una testera a un estilu de páxina que tenga márxenes de páxina interior y esterior distintos. P'aplicar esta opción a un estilu de páxina, escueya Formatu - Páxina, faiga clic na llingüeta Páxina y, nel área Configuración del diseñu, escueya “Reflexáu” nel cuadru Diseñu de páxina.

Por exemplu pue usar estilos de páxina col fin de definir testeres distintos pa les páxines pares ya impares d'un documentu.

  1. Abra un documentu de testu nuevu
  2. Escueya Formatu - Estilu y formatu y faiga clic nel símbolu Estilos de páxina.
  3. Calque col botón derechu del mur sobre "Páxina derecha" na llista d'estilos de páxina y escueya Modificar.
  4. Nel cuadru de diálogu Estilos de páxina, faiga clic na llingüeta Testera.
  5. Escueya Activar testera y calque na llingüeta Organizador.
  6. Nel cuadru Estilu siguiente, seleicione "Páxina esquierda".
  7. Calque Aceutar.
  8. Na ventana Estilu y formatu, faiga clic col botón derechu en "Páxina esquierda" na llista d'estilos de páxina y escueya Modificar.
  9. Nel cuadru de diálogu Estilos de páxina, faiga clic na llingüeta Testera.
  10. Escueya Activar testera y calque na llingüeta Organizador.
  11. Nel cuadru Estilu siguiente, escueya "Páxina drecha".
  12. Calque Aceutar.
  13. Calque dos vegaes sobre "Páxina derecha" na llista d'estilos p'aplicar l'estilu a la páxina actual.
  14. Introduza testu o imaxes na testera pal estilu Páxina esquierda. Dempués d'amestar la páxina siguiente al documentu introduza testu o imaxes a la testera del estilu Páxina derecha.

Temes rellacionaes

Tocante a les testeres y pies de páxina

Estilos de páxina a partir de la seleición

Inxertar el nome y el númberu d'un capítulu nuna testera o nun pie de páxina

Formateáu de testeres o pies de páxina