Funciones de LibreOffice Draw

From LibreOffice Help
Jump to: navigation, search

LibreOffice Draw dexa crear dibuxos simples y complexos, y esportalos en dellos formatos habituales pa imaxes. Pue inxertar tables, diagrames, fórmules y otros elementos creaos con programes de LibreOffice nos sos dibuxos.

Imaxes Vectoriales

LibreOffice Draw crea imaxes vectoriales usando llinies y curves definíes por vectores matemáticos. Los vectores describen llinies, elipses y polígonos, según la so xeometría.

Creación d'Oxetos 3D

Pue crear oxetos 3D cenciellos como cubos, esferes y cilindros en LibreOffice Draw ya inclusive modificar la fonte de lluz de los oxetos.

Cuadrícules y guíes

Les cuadrícules y guíes constitúin una ayuda visual p'alliniar los oxetos del dibuxu. Tamién se pue optar por axustar un oxetu a una llinia de la cuadrícula, una llinia de guía o al borde de dalgún otru oxetu.

Conexón d'Oxetos p'Amosar Rellaciones

Pue coneutar oxetos de LibreOffice Draw por aciu de llinies especiales llamaes "coneutores" p'amosar la rellación ente los oxetos. Los coneutores acóplense a los puntos d'adhesión de los oxetos de dibuxu y permanecen acoplaos cuando los oxetos coneutaos muévense. Los coneutores son útiles pa crear diagrames d'organización y téunicos.

Visualización de les Dimensiones

Los diagrames téunicos amuesen davezu les dimensiones de los oxetos nel dibuxu. En LibreOffice Draw pue usar les llinies de dimensiones pa calcular y visualizar les dimensiones lliniales.

Galería

La galería contién imaxes, animaciones, soníos y otros elementos que puen inxertase y utilizase nos dibuxos y n'otros programes de LibreOffice.

Formatos de ficheros d'Imaxes

LibreOffice Draw esporta en munchos de los formatos habituales de ficheru gráficu como BMP, GIF, JPG y PNG.