Carauterístiques de LibreOffice Calc

From LibreOffice Help
Jump to: navigation, search

LibreOffice Calc ye una aplicación de fueyes de cálculu que pue usar pa calcular, analizar y xestionar datos. Tamién pue importar y modificar fueyes de cálculu de Microsoft Excel.

Cálculos

LibreOffice Calc incorpora funciones, incluyíes funciones estadístiques y financieres, que puen utilizase pa crear fórmules que realicen cálculos complexos sobre los datos.

Tamién puen utilizase los Asistente pa funciones como ayuda pa la creación de fórmules.

Cálculos qué-pasaría-si

Una función interesante ye la posibilidá de ver nel intre'l resultáu de los cambeos realizaos nún de los factores qu'integren un cálculu. Por exemplu, pue ver cómo'l cambéu del períodu nel cálculu d'un préstamu afecta al interés o a les cantidaes de l'amortización. Arriendes, pue xestionar tables mayores usando delles situaciones hipotétiques predefiníes.

Funciones de les bases de datos

Utilice les fueyes de cálculu pa iguar, almacenar y peñerar datos.

LibreOffice Calc dexa abasnar y asitiar tables de bases de datos; tamién pue utilizase una fueya de cálculu como fonte de datos pa la creación de cartes en serie en LibreOffice Writer.

Estructurar datos

Basten unes poques pulsaciones del mur pa reorganizar la fueya de cálculu con cuenta de qu'amuese o anubra árees de datos determinaes, pa dar formatu según condiciones especiales o pa calcular con rapidez subtotales y totales.

Gráficos dinámicos

LibreOffice Calc permite presentar datos d'una fueya de cálculu en diagrames dinámicos que s'anoven automáticamente cuando camuden los datos.

Abrir y guardar ficheros de Microsoft

Utilice los filtros de LibreOffice pa convertir ficheros d'Excel o p'abrir y guardar n'otros varios formatos.