Inserir táboas

Existen varias formas de crear táboas en documentos de texto. Pode inserir táboas a partir de barras de ferramentas, de follas de cálculo ou a través de ordes de menú.

Para inserir unha táboa a partir dunha barra de ferramentas

1. Coloque o cursor no lugar onde desexe inserir a táboa.

2. Na Estándar ou Inserir bar, prema na frecha á beira do Táboa icona.

3. Arrastre o apuntador do rato pola grade da táboa para seleccionar as liñas e columnas que desexe e, a seguir, solte o botón do rato.

Para cancelar, arrastre o apuntador do rato cara ao outro lado ata que apareza a opción Cancelar na área de visualización da grade.

Para inserir unha táboa cun comando de menú

1. Coloque o cursor no lugar onde desexe inserir a táboa.

2. Escolla Táboa - Inserir táboa.

3. Na área Tamaño, introduza o número de filas e columnas.

4. Seleccione as opcións que desexe e prema en Aceptar.

Para inserir unha táboa a partir dunha folla de cálculo Calc

1. Abra a folla de cálculo de LibreOffice Calc que conteña o intervalo de celas que desexa inserir.

2. Arrastre o apuntador do rato para seleccionar as celas.

3. Escolla Editar - Copiar.

4. Siga un destes procedementos no documento de texto:

• Escolla Editar - Pegar. O intervalo de celas é pegado como un obxecto OLE. Para editar o contido das celas, prema dúas veces no obxecto.

• Escolla Editar - Entrada de índice e siga un destes procedementos:

Opcións	Insírese como...
Folla de cálculo de LibreOffice 6.4	Prema en +B.
Metaficheiro GDI	Imaxe
Mapa de bits	Imaxe
HTML	Táboa HTML
Texto sen formato	Só texto, tabulacións como separadores
Texto formatado [RTF]	Táboa de texto

Arrastrar e soltar intervalos de celas en follas de cálculo de Calc

1. Abra a folla de cálculo de LibreOffice Calc que conteña o intervalo de celas que desexa inserir.

2. Arrastre o apuntador do rato para seleccionar as celas.

3. Manteña premido o botón do rato nas celas seleccionadas.

4. Arrastre as celas seleccionadas ata o documento de texto.