Barra Exploración de formularios
A barra Exploración de formularios contén iconas para a edición de táboas de base de datos ou para o control da visualización dos datos. A barra móstrase na parte inferior dos documentos que conteñen campos ligados a bases de datos.
Pode usar a barra Exploración de formularios para moverse dentro dos rexistros, así como para inserilos e eliminalos. Se os datos se gardan nun formulario, os cambios transfírense á base de datos. A barra Exploración de formularios contén funcións para ordenar, filtrar e buscar rexistros de datos.
Pode usar a icona Barra de navegación da barra Máis controis para engadir unha barra de navegación a un formulario.
A barra de navegación só está visíbel en formularios conectados con bases de datos e non se encontra dispoñíbel na visualización de deseño. Vexa tamén Barra Datos de táboa.
Coas funcións de ordenación e filtraxe pode controlar a visualización dos datos. As táboas orixinais non se modifican.
O filtro ou a orde de clasificación actual gárdase co documento. Se hai un filtro definido, actívase a icona Aplicar filtro da barra de navegación. As funcións de ordenación e filtraxe do documento poden configurarse na caixa de diálogo Propiedades de formulario. (Escolla Propiedades de formulario - Datos - propiedades Ordenar e Filtro).
Se unha instrución SQL é a base dun formulario (vexa Propiedades de formulario - separador Datos - Fonte de datos), as funcións de filtraxe e ordenación só están dispoñíbeis cando a instrución SQL se refire a unha única táboa e non está escrita en modo SQL nativo.
Número de rexistro
Mostra o número do rexistro actual. Introduza un número para ir ao rexistro correspondente.
Primeiro rexistro
Lévao ao primeiro rexistro.
Rexistro anterior
Lévao ao rexistro anterior.
Seguinte rexistro
Lévao ao seguinte rexistro.
Último rexistro
Lévao ao último rexistro.
Gardar rexistro
Garda unha nova entrada de datos. O cambio rexístrase na base de datos.
Desfacer: Entrada de datos
Permítelle desfacer unha entrada de datos.
Novo rexistro
Crea un novo rexistro.
Eliminar rexistro
Elimina un rexistro. Para eliminar unha consulta é necesario confirmala antes.