The LibreOffice Help
As páxinas de axuda do LibreOffice móstranse no navegador web predeterminado do seu sistema.
O sistema de axuda de todas as versións do software está baseado nos mesmos ficheiros. Algunhas das funcións descritas na axuda poden non estar incluídas nesta distribución en particular. Algunhas funcionalidades específicas dunha distribución poden non ser mencionadas nesta axuda.
As páxinas de axuda das extensións do LibreOffice aínda empregan o sistema de axuda antigo. As páxinas de axuda do sistema de axuda antigo están dispoñíbeis aquí.
Funcionalidades das páxinas de axuda do LibreOffice
A lista de módulos
Situado na parte superior da páxina, prema para abrir a lista despregábel e seleccione o módulo do LibreOffice que desexe para mostrar a páxina principal de entrada da axuda dese módulo.
A lista de idiomas (só na axuda na rede).
Só dispoñíbel na versión na rede, seleccione o idioma no que desexe mostrar a páxina de axuda actual.
O índice da axuda
O índice da axuda mostra unha lista de palabras clave para todos os módulos do LibreOffice. Prema en calquera palabra clave para abrir a páxina de axuda asociada.
Buscar no índice da axuda
Escriba a palabra clave na caixa de texto Buscar. A busca realízase inmediatamente, segundo se vai escribindo a palabra.
Os resultados da busca móstranse como lista filtrada de correspondencias. O nome do módulo aparece como cabeceira da lista. A cabeceira GLOBAL indica unha correspondencia para palabras claves relevantes para máis de un módulo do LibreOffice. Por exemplo, os bordos de cela aplícanse ás celas das follas de cálculo, así como ás celas das táboas ou os marcos dos textos e das presentacións.
Empregue as iconas de frecha do fondo do índice analítico para examinar as entradas do índice analítico ou a lista de resultados filtrados.
Contido - Temas da axuda principal
Mostra un índice analítico dos tópicos principais de todos os módulos.
-
Prema nun cartafol pechado (⊞ para abrilo e mostrar os subcartafoles e páxinas de axuda.
-
Prema nun cartafol aberto (⊟ para pechalo e agochar os subcartafoles e páxinas de axuda.
-
Prema nunha ligazón para mostrar a páxina de axuda correspondente.
Uso do navegador para a axuda do LibreOffice
Navegar polas páxinas de axuda
Empregue os botóns Atrás e Adiante do navegador para se mover entre as páxinas. Na maioría dos navegadores un clic longo no botón Atrás mostra unha lista despregábel de páxinas visitadas anteriormente e un clic longo no botón Adiante mostra unha lista de páxinas visitadas despois da actual.
Marcar as páxinas de axuda
Empregue a funcionalidade de marcadores no navegador para acceder rapidamente ás páxinas de axuda relevantes. Para engadir un marcador a unha páxina na maioría dos navegadores:
-
Abra o menú Marcador do navegador,
-
seleccione Engadir marcador ou
Prema OrdeCtrl+D na maioría dos navegadores.
-
Introduza o nome, cartafol e etiquetas significativas para o marcador.
-
Peche a caixa de diálogo dos marcadores do navegador web.
Historial de navegación das páxinas de axuda
Cada páxina de axuda visitada fica rexistrada no historial do navegador. Para abrir o historial de navegación:
-
Escolla o menú Historial do navegador web,
-
Seleccione Mostrar historial.
-
Prema en calquera entrada da xanela principal do historial parar abrir a páxina de axuda correspondente.
Copiar o contido da axuda no portapapeis.
Pode copiar contido da páxina de axuda no portapapeis do seu sistema operativo coas ordes normais de copia. Por exemplo:
-
Nunha páxina de axuda, seleccione o texto que desexe copiar.
-
Prema en OrdeCtrl+C.
Algún contido das páxinas de axuda pode ser copiado ao portapapeis do sistema cun só clic do rato. Nestes casos aparece unha axudiña ao pasar o rato sobre o contido activado para copia. Por exemplo, a liña seguinte está activada para copia:
=SUMA(A1:A10)
Buscar na páxina actual
Para buscar na páxina de axuda actual:
-
Abra o menú Ver do seu navegador web e escolla a entrada Atopar nesta páxina.
Tamén pode premer en OrdeCtrl+F.
-
Na caixa Buscar introduza o texto que desexe atopar.
-
Seleccione as opcións de busca que desexe empregar.
-
Prema Intro.
Para atopar a aparición seguinte do termo de busca na páxina, prema en Frecha para arriba ou Frecha para abaixo para atopar as aparicións anterior ou seguinte.