Inserir columnas da base de datos
Insire na posición do cursor os campos do rexistro marcado no documento. A icona só está visíbel se o documento é de texto ou unha folla de cálculo.
Datos para texto
Seleccione no explorador da fonte de datos o rexistro que quere inserir no documento e prema na icona Datos para texto. O rexistro insírese na posición do cursor, co contido de cada campo individual copiado nunha columna da táboa. A icona Datos para texto permite seleccionar varios rexistros e transferilos ao documento. Cada rexistro individual grávase nunha nova fila.
Seleccione no explorador da fonte de datos os rexistros que quere inserir no documento e, a seguir, prema na icona Datos para texto, ou arrastre os datos do explorador ata o documento. Abrirase a caixa de diálogo Inserir columnas da base de datos. Indique se desexa inserir os datos como táboa, campos ou texto.
As preferencias definidas na caixa de diálogo Inserir columnas da base de datos gárdanse e estarán activas a próxima vez que acceda á caixa de diálogo. Este proceso de gravación é independente da base de datos e pode rexistrar as preferencias de 5 bases de datos como máximo.
Se os datos se insiren no documento en forma de táboa, as propiedades desta non se gardan xunto cos datos do documento. Se selecciona a función Formato automático para formatar a táboa, LibreOffice anota o nome do modelo de formato. Ese modelo úsase automaticamente se insire de novo datos en forma de táboa, a non ser que se modificasen as preferencias.